ភ្នំពេញ: ថ្ងៃទី០៩ ខែសីហា ឆ្នាំ២០២២ ក្រសួងអប់រំ យុវជន និងកីឡា បានចុះកិច្ចព្រមព្រៀងកិច្ចសហប្រតិបត្តិការជាយុទ្ធសាស្ត្រ ក្នុងគោលដៅលើកកម្ពស់ស្តង់ដារការអប់រំ និងផ្តល់ភាពងាយស្រួលដល់ការសិក្សា ជាពិសេសកុមារ និងយុវជនកម្ពុជា។ ការចុះកិច្ចព្រមព្រៀងនេះត្រូវបានផ្តល់កិត្តិយសចុះហត្ថលេខាដោយ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងអ្នកឧកញ៉ា គិត ម៉េង អគ្គនាយកក្រុមហ៊ុន រ៉ូយ៉ាល់គ្រុប នាថ្ងៃទី០៩ ខែសីហា ឆ្នាំ២០២២ នៅទីស្ដីការក្រសួងអប់រំ។
ក្នុងឱកាសនោះ ឯកឧត្តមបណ្ឌិតសភាចារ្យ ហង់ជួន ណារ៉ុន បានស្វាគមន៍ចំពោះភាពជាដៃគូថ្មីជាមួយក្រុមហ៊ុនសែលកាត ដែលជាសក្ខីភាពនៃការកើនឡើងនៃការវិនិយោគពីដៃគូវិស័យឯកជនក្នុងការលើកកម្ពស់គុណភាពអប់រំនៅកម្ពុជា។ ឯកឧត្តមរដ្ឋមន្ត្រីបានគូសបញ្ជាក់ថា ការពង្រឹងជំនាញឌីជីថលគ្រូបង្រៀន បុគ្គលិកអប់រំ និងយុវជនកម្ពុជា គឺជាអាទិភាពសំខាន់មួយក្នុងការអភិវឌ្ឍធនធានមនុស្សដែលមានជំនាញក្នុងសតវត្សរ៍ទី២១ ដើម្បីគាំទ្រដល់ការផ្លាស់ប្តូរឌីជីថលនៅកម្ពុជា។ ឯកឧត្តមបណ្ឌិតសភាចារ្យបានលើកឡើងថា ភាពជាដៃគូយុទ្ធសាស្ត្រថ្មីជាមួយក្រុមហ៊ុន សែលកាត នឹងគាំទ្រដល់ការប្រើប្រាស់បច្ចេកវិទ្យាឌីជីថលនៅកម្រិតផ្សេងៗនៃប្រព័ន្ធអប់រំ បង្កើតប្រព័ន្ធរួមបញ្ចូលបន្ថែមទៀត ដែលផ្តល់ការអប់រំប្រកបដោយគុណភាពសម្រាប់កុមារនិងយុវជនទាំងអស់នៅក្នុងប្រទេសកម្ពុជា។
អ្នកឧកញ៉ា គិត ម៉េង បានមានប្រសាសន៍ថា ក្រុមហ៊ុន សែលកាត មានភាពសប្បាយរីករាយ ដែលបានចូលរួមជាមួយរាជរដ្ឋាភិបាលកម្ពុជា ពិសេសក្រសួងអប់រំ យុវជន និងកីឡា ក្នុងការលើកកម្ពស់ការធ្វើទំនើបកម្មវិស័យអប់រំឌីជីថល ការពង្រឹងកម្មវិធីអប់រំគ្រូបង្រៀននៅកម្ពុជា (STEPCam) កម្មវិធីសមមូលអប់រំកម្រិតមូលដ្ឋានតាមអ៊ីនធឺណិត (BEEP) និងកម្មវិធីអក្ខរកម្មនៅរោងចក្រ (FLP) របស់ក្រសួងអប់រំ យុវជន និងកីឡាដែលប្រើប្រាស់បច្ចេកវិទ្យាឌីជីថលចុងក្រោយបង្អស់។
លោក Simon Perkins នាយកប្រតិបត្តិក្រុមហ៊ុនសែលកាត ជឿជាក់លើឥទ្ធិពលនៃការអប់រំ ដើម្បីលើកកម្ពស់កម្រិតជីវភាព និងសេដ្ឋកិច្ច។ ស្របពេលដែលកម្ពុជាបោះជំហ៊ានឆ្ពោះទៅកាន់ឌីជីថលនីយកម្ម មូលដ្ឋានគ្រឹះផ្នែកអប់រំដ៏រឹងមាំគឺតម្រូវការចាំបាច់ ហើយវាក៏ដើរតួយ៉ាងសំខាន់ក្នុងការធានាបានថាចក្ខុវិស័យនេះក្លាយជាការពិត។ លោកបានបន្ថែមថា ក្រុមហ៊ុនទន្ទឹងរង់ចាំការអនុវត្តប្រកបដោយជោគជ័យ និងការខិតខំប្រឹងប្រែងរួមគ្នារវាង ក្រសួងអប់រំ យុវជន និងកីឡា និងសែលកាត ក្នុងការពង្រីកលទ្ធភាព និងឥទ្ធិពលនៃកម្មវិធីទាំងនេះ។
សូមជម្រាបជូនថា ពិធីចុះហត្ថលេខានេះគឺជាការអនុវត្តគម្រោងដ៏សំខាន់មួយក្រោមកម្មវិធីទំនួលខុសត្រូវសង្គមសាជីវកម្ម (CSR) របស់សែលកាត ស្របតាមការប្តេជ្ញាចិត្តរបស់ក្រុមហ៊ុនក្នុងការលើកកម្ពស់ចំណេះដឹងផ្នែកឌីជីថល និងលទ្ធភាពប្រើប្រាស់មាតិកាអប់រំសម្រាប់ប្រជាពលរដ្ឋកម្ពុជាទាំងមូល៕ប្រភព៖ ក្រសួងអប់រំសម្រួលដោយ:dara
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMVhVQXc9PSIsImV4cCI6bnVsbCwicHVyIjoiYmxvYl9pZCJ9fQ==--d785db4bcf716a55d07de956d5d29acb075550e4/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/IMG_20220809_175549_533.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMUxVQXc9PSIsImV4cCI6bnVsbCwicHVyIjoiYmxvYl9pZCJ9fQ==--df893ef5f37cfe4528ea88a3cf38322d1af6560d/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/IMG_20220809_175550_434.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMURVQXc9PSIsImV4cCI6bnVsbCwicHVyIjoiYmxvYl9pZCJ9fQ==--1f7f6d8f4f19e81eb23ce0528322594677174a66/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/IMG_20220809_175551_183.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMVBVQXc9PSIsImV4cCI6bnVsbCwicHVyIjoiYmxvYl9pZCJ9fQ==--00e8bc18808f53ec62eb6a9ba3a93e2cba9e450d/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/IMG_20220809_175552_871.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMVRVQXc9PSIsImV4cCI6bnVsbCwicHVyIjoiYmxvYl9pZCJ9fQ==--495f4dca7a61584de5de96223eed70061f5c4fce/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/IMG_20220809_175553_414.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMUhVQXc9PSIsImV4cCI6bnVsbCwicHVyIjoiYmxvYl9pZCJ9fQ==--2fd0989a79c7aa4abf2e375ba6bffa523ed4a3b5/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/IMG_20220809_175554_840.jpg)
0 Reviews:
Post a Comment