ឯកឧត្តម អ៊ុនចាន់ដានាំយកអំណោយសម្តេចកិត្តិព្រឹទ្ធបណ្ឌិត ផ្តល់ជូនពលរដ្ឋរងគ្រោះ ដោយអគ្គីភ័យ១៣គ្រួសារនៅស្រុកចំការលើ

សូមអានបន្ត

( កំពង់ចាម)៖នៅព្រឹកថ្ងៃទី៤ ខែកុម្ភៈឆ្នាំ២០២២នេះឯកឧត្តម អ៊ុនចាន់ដា អភិបាលខេត្តកំពង់ចាមនិងជាប្រធានគណៈកម្មាធិការសាខាកាកបាទក្រហមខេត្ត អមដំណើរដោយមន្ត្រីពាក់ព័ន្ធ បានអញ្ជើញនាំយកអំណោយរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ផ្តល់ជូនបងប្អូនប្រជាពលរដ្ឋ ដែលរងគ្រោះដោយសា អគ្គីភ័យ១៣គ្រួសារ នៅភូមិស្ពឺកើត ឃុំស្ពឺ ស្រុកចំការលើខេត្តកំពង់ចាម ។ បន្ទាប់ពីបានពាំនាំនូវប្រសាសន៍ផ្តាំផ្ញើសួរសុខទុក្ខ ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ឯកឧត្តម អ៊ុនចាន់ដា បានអំពាវនាវដល់ប្រជាពលរដ្ឋទាំងអស់ សូមឲ្យមានការប្រុងប្រយ័ត្នអោយបានខ្ពស់ពីគ្រោះអគ្គីភ័យ ដែលអាចកើតមានគ្រប់ពេល ប្រសិនបើមានការធ្វេសប្រហែស ដូចនេះពេលយើងចាកចេញពីផ្ទះត្រូវបិទកុងតាក់ភ្លើងអគ្គិសនីពន្លត់ភ្លើងចង្ក្រានហ្គាស ពន្លត់ទៀនធូបជាមុនសិនដើម្បីបង្ការក្រែងកើតមានមហន្តរាយផ្សេងៗ ។ ម៉្យាងទៀតការសង់តូបលក់ដូរឡើងវិញត្រូវតភ្ជាប់ចរន្តអគ្គិសនី ដោយរៀបចំឲ្យបានត្រឹមត្រូវទៅតាមបទដ្ឋានបច្ចេកទេស ដេីម្បីធានាសុវត្ថិភាព។ ជាមួយគ្នានោះ ឯកឧត្តមប្រធានក៏បានក្រើនរំលឹកបងប្អូនប្រជាពលរដ្ឋទាំងអស់ សូមលើកកំពស់ការថែទាំសុខភាពឲ្យបានល្អ រស់នៅត្រូវប្រកាន់ខ្ជាប់អនាម័យស្អាត ជាពិសេសត្រូវយកចិត្តទុកដាក់ អំពីសុវត្ថិភាពផ្ទាល់ខ្លួនជាប្រចាំ ដោយត្រូវអនុវត្តឲ្យបានខ្ជាប់ខ្ជួន ទៅតាមវិធានការសុខាភិបាល "៣ការពារ ៣កុំ " ដើម្បីជៀសផុតពីការឆ្លងរាលដាល នៃជំងឺកូវីដ១៩ បម្លែងថ្មី អូមីក្រុង ។ គួរបញ្ជាក់ថា អំណោយរបស់សម្តេច កិត្តិព្រឹទ្ធបណ្ឌិត ដែលបានផ្តល់ជូនទាំង ១២គ្រួសារ ដោយមាន អង្ករ មីត្រីខទឹកត្រី ទឹកស៊ីអ៊ីវ ឃីត១កញ្ចប់(មុង ភួយសារុង ក្រម៉ា ) តង់និងអាវយឺត ។ ដោយឡែក ចំពោះថវិកាផ្តល់ជូនម្ចាស់ផ្ទះដែលខូចខាតទាំងស្រុង និងជាម្ចាស់តូបរងគ្រោះ ១គ្រួសារ ទឹកប្រាក់ចំនួន ២លានរៀល ។ ផ្តល់ជូនម្ចាស់តូបរងគ្រោះ ១០គ្រួសារ ក្នុង១គ្រួសារ ៥០ម៉ឺនរៀល និង២គ្រួសារទៀត ដែលខូចខាត ៤០% ផ្តល់ជូន ១គ្រួសារ ៤០ម៉ឺនរៀលផងដែរ ។ គួររំលឹកថា ហេតុការណ៍គ្រោះអគ្គីភ័យខាងលេី បានកើតឡើងកាលពីវេលាម៉ោង ៩ និង២០នាទីយប់ ថ្ងៃទី៣ ខែកុម្ភ: ឆ្នាំ២០២២ ដោយឆ្លងចរន្តអគ្គិសនី ផ្តើមចេញពីបង្គោលភ្លើងតាមថ្នល់ បណ្តាលឲ្យឆេះរាលដាលដល់តូបលក់ដូរទូរស័ព្ទ គ្រឿងអគ្គិសនី តូបអ៊ុតសក់ជាបន្តបន្ទាប់ ហើយបន្តរាលឆេះផ្ទះក្បឿង ទំហំ ១០ម×១៩ម នៅជាប់នឹងផ្សារស្ពឺ ផងដែរ៕