Thursday, November 12, 2020

កូវីដ១៩៖ ព្រឹកថ្ងៃសុក្រនេះ មានករណីជាសះស្បើយ​ម្នាក់, អ្នកប៉ះពាល់ក្នុងព្រឹត្តិការណ៍៣វិច្ឆិកា កើនដល់១៧៣៤នាក់ ---

ជាដំណឹងល្អសម្រាប់ព្រឹកថ្ងៃសុក្រនេះ ដោយ​មានអ្នកជំងឺកូវីដ​១៩ម្នាក់បាន​ជា​សះស្បើយ ធ្វើ​ឲ្យ​ចំនួន​អ្នកជំងឺកូវីដ​១៩នៅ​កម្ពុជាធ្លាក់​មក​សល់ត្រឹម១២នាក់​ដែល​កំពុងសម្រាកព្យាបាលនៅ​មន្ទីរពេទ្យ។

អ្នកដែលទើបជាសះស្បើយនេះ ត្រូវបានបញ្ជាក់ថា គឺជា​ស្រ្តីជនជាតិបារាំង អាយុ​២៣ឆ្នាំ ស្នាក់​នៅ​សណ្ឋាគារមួយ​ក្នុងរាជធានីភ្នំពេញ។ នាងជាអ្នកដំណើរ​មក​ពី​ប្រទេស​បារាំង ដោយឆ្លង​កាត់​ប្រទេស​សិង្ហបុរី បាន​មក​ដល់​កម្ពុជា នៅថ្ងៃទី២៥ ខែតុលា ឆ្នាំ​២០២០។

ដោយ​ឡែក​សម្រាប់អ្នកប៉ះពាល់​ក្នុងព្រឹត្តិការណ៍​៣វិច្ឆិកា នៅថ្ងៃទី១២ វិច្ឆិកា ម្សិលមិញ ក្រសួងបានធ្វើតេស្ត​មនុស្ស​ចំនួន ៥៦នាក់បន្ថែមទៀត តែលទ្ធផលអវិជ្ជមាន។ ដោយ​សរុបមក សម្រាប់ព្រឹត្តិការណ៍៣វិច្ឆិកា ក្រសួងរកឃើញអ្នកពាក់ព័ន្ធ​សរុបចំនួន ១៧៣៤នាក់ ក្នុងនោះរកឃើញ​វិជ្ជមានកូវីដ​១៩ ចំនួន ៤នាក់ និង​លទ្ធផលអវិជ្ជមានចំនួន ១៧៣០នាក់៕




0 Reviews:

Post a Comment