កម្ទេចថ្មរលាយដោយអាចម៍ដីនិងដីខ្សាច់ ត្រូវបានគេចាក់ចូលទៅក្នុងផ្ទៃទន្លេបាសាក់បានចម្ងាយជាច្រើន ម៉ែត្រពីច្រាំង រួចហើយបុកគ្រឹះសាងសង់សំណង់រឹងរួចរាល់

សូមអានបន្ត

(កណ្ដាល)ឧកញ៉ាសិលាចាក់ដីលុបទន្លេនិងបុកគ្រឹះសាងសង់សំណង់រឹងធ្វើជាកម្មសិទ្ធិផ្ទាល់ខ្លួន

សកម្មភាពចាក់ដីចូលទន្លេនិងបុកគ្រឹះសាងសង់សំណង់រឹងដើម្បីពង្រីកទំហំដីរបស់ខ្លួន បានកើតឡើងនៅចំណុចមាត់ទន្លេបាសាក់ស្ថិតក្នុងភូមិជ្រៃសង្កាត់សំពៅពូនក្រុងសំពៅពូនខេត្តកណ្ដាល។

ហានិភ័យដែលគួរឲ្យសោកស្តាយ ហើយនឹងកំពុងគម្រាមកំហែងដល់ច្រាំងទន្លេ គឺភាពលោភលន់របស់ឧកញ៉ាមួយចំនួនដែលចង់បានចង់មានមិនចេះស្កប់ស្កល់ ដោយប្រើគ្រប់មធ្យោបាយគ្រប់បែបគ្រប់យ៉ាងឃុបឃិតគ្នាជាមួយមន្រ្តីខូចខិលបំពានយកអ្វីដែលច្បាប់ហាមឃាត់ យកអ្វីដែលជាសម្បត្តិ ទៅធ្វើជារបស់ផ្ទាល់ខ្លួនដោយមិនមានការអៀនខ្មាស់ទាល់តែសោះ។

ពិតជាគួរអោយស្ងើចសរសើរដល់ជនទុច្ចរិតមួយក្តាប់តូច ដែលបុិនប្រសព្វ ខិតខំស្វះស្វែងរិះរកគ្រប់មធ្យោបាយ ធ្វើយ៉ាងណាអោយតែខ្លួន និងបក្សពួកមានបាន រស់នៅបានសុខស្រួល ទោះបីជាការងារដែលពួកគេកំពុងតែប្រព្រឹត្ត ជាការងារដែលល្មើសច្បាប់ធ្វើអោយប៉ះពាល់ដល់សង្គមជាតិយ៉ាងណាក៏ដោយមាត្រា៨ ដីចំណីមាត់ច្រាំងនិងឆ្នេរនៃតបន់អាទន្លេត្រូវកំណត់ចំម្ងាយដូចតទៅ -ឆ្នេរនិងពាមសមុទ្រ ចម្ងាយ១០០ម៉ែត្រគិតពីមាត់ពាម(ពេលទឹកជោរអតិបរមា- ទន្លេ ចម្ងាយ ៥០ម៉ែត្រគិតពីច្រាំទន្លេ   

-ស្ទឹងចម្ងាយ ៣០ម៉ែត្រគិតពីមាត់ច្រាំងស្ទឹង -ព្រែកចម្ងាយ ២០មែត្រគិតពីមាត់ព្រែក- អូរចម្ងាយ១០ម៉ែត្រគិតពីមាត់ច្រាំងអូរ -

ប្រឡាយមេ ចម្ងាយ១០មែត្រគិតពីទេរភ្លីប្រឡាយផ្នែកខាងក្រៅ- 

ប្រឡាយរង- ចម្ងាយ ៥មែត្រគិតពីជើងទេរភ្លឺប្រឡាយផ្នែកខាងក្រៅ

- ប្រឡាយស្រោចស្របចម្ងាយ ៣ម៉ែត្រគិតពីជើងទេរប្រឡាយផ្នែកខាងក្រៅ -អាងទឹក ចម្ងាយ១០០ម៉ែត្រគិតពីក្រិតកម្ពស់ទឹកអតិបរមាដែលបានតម្កល់នៅក្នុងអាងទឹក- បឹងបូ ចម្ងាយ ៥០ម៉ត្រគិតពី ក្រិតកម្ពស់ទឹកអតិបរមាដែលបានតម្កល់ក្នុងអាងទឹក -ដីចំណីមាត់ច្រាំ ឆ្នេរ និងពាមសមុទ្រនៅតំបន់រាជធានីឬក្រុងនៃខេត្តឬទីប្រជុំជននិងតំបន់អភិរក្សត្រូវកណត់ដោយលិខិតបទដ្ឋានគតិយុត្តដោឡែក

ដីចំណីមាត់ច្រាំងឆ្នេរនិងពាមសមុទ្រនៃតំបន់អាងទន្លេបានកំណត់ខាងលើជាសម្បត្តិសាធារណះរបស់រដ្ឋ ។

ទោះជាយ៉ាងណាប្រជាពលរដ្ឋទទូចស្នើរសុំដល់អាជ្ញាធរពាក់ពន័គ្រប់លំដាប់ថ្នាក់ក្នុងខេត្តកណ្ដាល ពិសេសឯកឧត្ដម គួចចំរើន អភិបាល នៃគណៈអភិបាលខេត្តកណ្ដាលមេត្តាមានវិធានការចាត់កំលាំងក្រោមឱវាទ ចុះស្រាវជ្រាវពាក់ព័ន្ធករណីខាងលើផងទាន។