ល្បែងសុីសងជល់មាន់តាមអនឡាញបើកយ៉ាងរលួនក្នុងឃុំត្រែងត្រយ៉ឹងមិនខ្លាចអាជ្ញាធរមានសមត្ថកិច្ចចុះបង្ក្រាបឡើយ

សូមអានបន្ត

ខេត្តកំពង់ស្ពឺ៖ល្បែងស៊ីសងជល់មាន់តាមប្រព័នអញឡាញខុសច្បាប់មួយកន្លែងក្នុង តារាងបាល់ទះគ្មានយីហោកំពង់បើកលេងយ៉ាងរលូនគ្មានខ្លាចអាជ្ញាធរមានសមត្ថកិច្ចចុះបង្ក្រាបឡើយ ដែលស្ថិតក្នុងភូមិ៤ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។ 

 ប្រភពពីប្រជាពលរដ្ឋបានឲ្យដឹងថាទីតាំងបើកលេងល្បែងស៊ីសងមួយនេះសំបូរអតិថិជនចូលទៅលេងជារាល់ថ្ងៃ បែរជាសមត្ថកិច្ចក្នុងមូលដ្ឋានមិនចុះបង្ក្រាបជាពិសេសលោកសាយប៊ុនថនអធិការនគរបាលស្រុកភ្នំស្រួច រក្សាភាពស្ងប់ស្ងាត់។ សូមជម្រាបថា? កាលថ្ងៃទី ១៧ ខែកញ្ញា ឆ្នាំ ២០២២ កន្លងទៅនេះ សម្ដេចតេជោ ហ៊ុន សែន បានចេញបទបញ្ជា ដាច់ណាត់មួយ ឲ្យអភិបាលរាជធានីខេត្ត ទាំង ២៥ ខេត្តក្រុង ត្រូវបិទទីតាំងបនល្បែងសុីសង គ្រប់ប្រភេទ ទាំងអស់ឲ្យខាន់តែបាន។

 ប្រភពពីប្រជាពលរដ្ឋដែលរស់នៅក្នុងមូលដ្ឋានខាងលើបានដាក់ការសង្ស័យប្រហែលមន្ត្រីអាជ្ញាក្នុងភូមិឃុំនិងស្រុកភ្នំស្រួចបានឃុបឃិតគ្នានឹងម្ចាស់បទល្មើសល្បែងស៊ីសងទើបបើកលេងបានយ៉ាងរលូនបែបនេះ។ ប្រជាពលរដ្ឋបានលើកឡើងថាល្បែងសុីសងនេះហើយ ជាដើមចមអំពើចោរកម្មផ្សេងៗដូចជាលួច-ឆក់-ប្លន់-គាស់ផ្ទះជាពិសេសអំពើហិង្សាក្នុងគ្រួសារ ។

 ប្រជាពលរដ្ឋដែលរស់នៅក្នុងភូមិ៤ឃុំត្រែងត្រយ៉ឹងស្រុកភ្នំស្រួចខេត្តកំពង់ស្ពឺបានធ្វើការសំណូមពរដល់ ឯកឧត្ដម វ៉ីសំណាងអភិបាលនៃគណៈអភិ​បាលខេត្តកំពង់ស្ពឺ និងលោកឧត្តមសេនីយ៍ទោសមសាមួន ស្នងការនគរបាលខេត្តកំពង់ស្ពឺ មានវិធានការច្បាប់ចំពោះបនល្បែងស៊ីសងខាងលើនេះផង ដើម្បីភូមិឃុំមានសុវត្ថភាពផងទាន ។