ល្បែងសុីសងអាប៉ោង លំដាប់ វី អាយ ភី លេងបានយ៉ាងរលូន ក្នុងសង្កាត់បឹងត្របែកមិនខ្លាចអាជ្ញាធរមាន សមត្ថកិច្ចចុះបង្ក្រាបឡើយ

សូមអានបន្ត

ភ្នំពេញ : ល្បែងស៊ីសងអាប៉ោងមួយកន្លែង លំដាប់ វី អាយ ភី បើកលេងបានយ៉ាងរលូនដោយមិនខ្លាចអាជ្ញាធរមានសមត្ថកិច្ចចុះកមបង្ក្រាបសោះឡើយដែលស្ថិតនៅតាមបណ្តោយផ្លូវ ៤៧៤ ក្រុមទី២៧ ស្ថិតនៅ(ភូមិ៨) សង្កាត់បឹងត្របែក ខណ្ឌចំការមន រាជធានីភ្នំពេញ សូមបញ្ជាក់ថា៖កន្លងទៅ កាលពីរសៀលថ្ងៃទី១៤ ខែ មិថុនា ឆ្នាំ២០២២ លោកវេលាម៉ោង៤ លោក ថេង សុថុល អភិបាលខណ្ឌចំការមន បាន បញ្ជា ដល់មន្ត្រីរបស់ លោកឱ្យ ឆ្មក់បង្ក្រាបទីតាំងខាងលើម្តងរួចមកហើយ ហើយអាជ្ញាធរខណ្ឌចំការមនក៌បានឲ្យម្ចាស់ទីតាំងធ្វើកិច្ចសន្យា មិនឱ្យមានល្បែងស៊ីសងនោះទេ។ 

 ប្រជាពលរដ្ឋ ដាក់ការសង្ស័យថា ល្បែងស៊ីសងអាប៉ោង លំដាប់វីអាយ ភី ដែលកំពុងតែដំណើរការយ៉ាងរលូន ប្រហែលជាមានកាឃុបឃិតជាមួយ អាជ្ញាធរមាន សមត្ថកិច្ចពាក់ព័ន្ធក្នុងសង្កាត់និងខណ្ឌអស់ហើយមើលទៅ ទើបលេងបានយ៉ាងរលូន។ ប្រជាពលរដ្ឋដាក់ជាសំណួរសួរថាតើលោកយសយុទ្ធីអភិបាលរងខណ្ឌនិងលោក យិនសាន អធិការខណ្ឌចំការមិនបង្ក្រាប ឫសអសមត្ថភាពក្នុងកាចុះ។

 ប្រជាពលរដ្ឋបានលើកឡើងថាល្បែងសុីសងនេះហើយ ជាដើមចមអំពើចោរកម្មផ្សេងៗដូចជា៖លួច-ឆក់-ប្លន់-គាស់ផ្ទះនិងជាពិសេសអំពើហិង្សាក្នុងគ្រួសារ ។

 ប្រជាពលរដ្ឋដែលរស់នៅក្នុងសង្កាត់បឹងត្របែកបាន សំណូមពរមកដល់ ឯកឧត្ដម ឃួង ស្រេង អភិបាលនៃគណៈអភិ​បាល រាជធានីភ្នំពេញ និងលោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការរាជធានីភ្នំពេញ មានវិធានការច្បាប់ចំពោះបនល្បែងស៊ីសងខាងលើនេះផង ដើម្បីភូមិឃុំមានសុវត្ថភាពផងទាន ដើម្បីអនុវត្តន៌នូវគោលនយោបាយភូមិឃុំសង្កាត់មានសុវត្ថភាពទាំង៧ចំណុច។