Thursday, February 4, 2021

សម្តេច ទៀ បាញ់ បាន​ចាក់វាក់សាំងកូវីដ​១៩​រួចហើយ


បើតាម​ការ​បញ្ជាក់របស់សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រ​កម្ពុជា នៅ​លើទំព័រ facebook បាន​ឲ្យដឹងថា នៅព្រឹកថ្ងៃទី១០ ខែមករា ឆ្នាំ​២០២១ សម្តេច រួមជាមួយ​នឹង​មន្រ្តីជាន់ខ្ពស់មួយ​ចំនួនទៀត នឹងទៅ​ចាក់វ៉ាក់សាំង​កូវីដ​១៩​ដែលជាជំនួយ​របស់ប្រទេស​ចិន ដោយ​លើក​លែង​តែសម្តេច​ពិជ័យ​សេនា ទៀ បាញ់ ដែល​សម្តេច​បានចាក់​វ៉ាក់សាំង​នេះ​រួចហើយ។

មិនមានការ​បញ្ជាក់ទេថា តើ​សម្តេច​ពិជ័យសេនា ទៀ បាញ់ បាន​ចាក់វ៉ាក់សាំង​កូវីដ​១៩​នៅពេលណានោះទេ តែជា​ការ​កត់​សម្គាល់ កាលពីថ្ងៃទី៣ ខែកុម្ភៈ ឆ្នាំ​២០២១កន្លងទៅនេះ សម្តេច​ ទៀ បាញ់ បាន​ចូលរួម​ជាធិបតី​ក្នុងពិធីសំណេះ​សំណាល​ជាមួយ​ក្រុមគ្រូពេទ្យ​ចាក់វ៉ាក់សាំងការពារ​ជំងឺកូវីដ​១៩ ដោយ​មាន​ការ​ចូលរួមពីឯកអគ្គរដ្ឋទូតចិន និងក្រុមគ្រូពេទ្យ​ចិន​ផងដែរ។

សូម​បញ្ជាក់ថា វ៉ាក់សាំង​កូវីដ​១៩ ដែលជា​ជំនួយ​របស់​ប្រទេស​ចិន ចំនួន៦០ម៉ឺនដូស នឹង​ដឹកមកដល់ប្រទេស​កម្ពុជា នៅល្ងាចថ្ងៃអាទិត្យ ទី៧ ខែកុម្ភៈ ឆ្នាំ​២០២១ ដែលជា​ដំណាក់កាលដំបូ នៃជំនួយ​ចំនួន​១លានដូស៕




0 Reviews:

Post a Comment