មន្រ្តីនគរបាល នៃស្នងការនគរបាលខេត្តរតនគិរីម្នាក់ ត្រូវបានក្មេងស្រីអាយុ១៣ឆ្នាំ ប្តឹងថា បានល្បួងនាងយកទៅរំលោភ ហើយពេលនេះ ជនសង្ស័យកំពុងព្យាយាមធ្វើការសម្របសម្រួល តែគេរំពឹងថា តុលាការនឹងមិនលើកលែងមន្រ្តីអនុវត្តច្បាប់ ហើយអង្គុយលើច្បាប់នោះទេ។
បើយោងតាមពាក្យបណ្តឹង របស់ក្មេងរងគ្រោះ ឈ្មោះ ម.ល កាលពីថ្ងៃទី១ ខែធ្នូ ឆ្នាំ២០២០បានរាបរាប់ថា កាលពីថ្ងៃទី៣០ ខែវិច្ឆិកា ឆ្នាំ២០២០ វេលាប្រហែលម៉ោង ៨និង ៣០នាទីយប់ ឈ្មោះ មេសា ជាមេប៉ុស្តិ៍នគរបាលភូមិភិៈ បានទូរស័ព្ទបបួលនាងទៅញាំអីនៅហាងម្លិៈ៧៧ ហើយខ្លួន និងម្តាយមីងក៏បានទៅជាមួយគ្នាផងដែរ ដោយមីង នឹងក្មួយបានជិៈម៉ូតូឌុបគ្នាទៅហាងម្លិៈ៧៧ដែលជាកន្លែងណាត់ជួប។ បន្ទាប់ពីហូបរួចលុះដល់ម៉ោងប្រហែលជាម៉ោង៩និង៣០នាទីយប់ ឈ្មោះ មេសា ក៏ហៅនាងឡើងជិះរថយន្តរបស់ខ្លួនដោយបបួលថាទៅហូបបង្អែម ប៉ុន្តែឈ្មោះ មេសា បែជាដឹកក្មេងស្រីរងគ្រោះ ទៅ កាន់ផ្ទះសំណាក់មួយកន្លែងនៅក្នុងក្រុងបានលុងហើយធ្វើសកម្មភាពលួងលោមដើម្បីរួមភេទរហូតបានសម្រេចតែម្តង។
ចំពោះករណីនេះ ស្នងការដ្ឋាននគរបាលខេត្តរតនគិរី បានបញ្ជាក់ថា ក្រោយពីទទួលបានពាក្យបណ្តឹងនោះ នៅថ្ងៃទី៣ ខែធ្នូ ឆ្នាំ២០២០ ជំនាញបានធ្វើរបាយការណ៍ស្នើសុំបើកកាស្រាវជ្រាវស៊ើបអង្កេតទៅអយ្យការអមសាលាដំបូងខេត្ត ហើយនៅថ្ងៃទី០៤ ខែធ្នូ ឆ្នាំ២០២០ សម្រាប់តែអាណាព្យាបាលបាននាំជនរងគ្រោះ មកដកពាក្យបណ្តឹង ដោយបញ្ជាក់អំពីមូលហេតុថា ពួកគេស្រលាញ់គ្នាដោយមានការព្រមព្រៀង។
យ៉ាងណាក៏ដោយ ផ្អែកតាមការបង្គាប់ពីតំណាងអយ្យការអមសាលាដំបូងខេត្តរតនគិរីកាលពីថ្ងៃទី២៨ ខែធ្នូ ឆ្នាំ២០២០ ការិយាល័យជំនាញស្នងការដ្ឋាននគរបាលខេត្តរតនគិរី បានបញ្ជូនសំណុំឯកសារពាក់ព័ន្ធករណីនេះទៅអយ្យាការអមសាលាដំបូងខេត្ត ដើម្បីអនុវត្តនីតិវីធីបន្ត។
តាមប្រភពខ្លះបាននិយាយថា ករណីនេះ មានមន្រ្តីថ្នាក់គ្រាន់បើម្នាក់កំពុងតែធ្វើការសម្របសម្រួលក្រៅប្រព័ន្ធតុលាការ ហើយគេរំពឹងថា តុលាការខេត្តរតនគិរី នឹងអនុវត្តរឿងក្តីនេះឲ្យមានប្រសិទ្ធិភាព ព្រោះថា នេះគឺជាករណីរំលោភក្មេងស្រីអាយុក្រោម១៥ឆ្នាំ ដែលច្បាប់មិនអាចលើកលែងបាន ហើយម្យ៉ាងអ្នកប្រព្រឹត្តគឺជាមន្រ្តីអ្នកកាន់ច្បាប់ថែមទៀតផង៕
0 Reviews:
Post a Comment