បើយោងុំតាមរបាយការណ៍របស់មន្ទីរព័ត៌មានខេត្តព្រះសីហនុបានឲ្យដឹងថា កាលពីថ្ងៃទី៣ ខែវិច្ឆិកា ឆ្នាំ២០២០ ម្សិលមិញនេះ រថយន្តសាម៉ុយរបស់មន្ទីរពេទ្យបង្អែកខេត្តព្រះសីហនុ ដែលបានដឹកសាកសពជនជាតិចិនម្នាក់ ជាមួយនឹងសំណាក់កូវីដ-១៩ ចំនួន៣កេសដើម្បីយកទៅរាជធានីភ្នំពេញ បានជួបគ្រោះថ្នាក់ចរាចរណ៍ ដោយប៉ះគ្នាជាមួយនឹងម៉ូតូសណ្តោងរឺម៉កបណ្តាលឲ្យអ្នកបើកម៉ូតូបានស្លាប់។
ករណីនេះបានកើតឡើងនៅចំណុចចន្លោះគីឡូម៉ែត្រ ១២១-១២២ ស្ថិតក្នុងភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ។
យ៉ាងណាក៏ដោយ ចំពោះសំណាកទាំង០៣កេសនោះពុំមាន ការបែក រឺដាច់រហែកទេ ហើយក្រោយកើតហេតុសាកសព និងសំណាកកូវីត១៩ ត្រូវបានរថយន្តសាមុយរបស់មន្ទីរពេទ្យបង្អែកខេត្តដឹកបន្តទៅភ្នំពេញហើយ។
បើតាមរបាយការណ៍សមត្ថកិច្ច ករណីនេះ រថយន្តសាម៉ុយបានបើកបរក្នុងទិសដៅពីព្រះសីហនុ ឆ្ពោះទៅភ្នំពេញ លុះដល់ចំណុចកើតហេតុខាងរថយន្តបានបុកពីក្រោយ ម៉ូតូសណ្តោងរឺម៉កមួយគ្រឿងម៉ាកWAVE ពណ៌ខ្មៅ គ្មានផ្លាកលេខ(សណ្តោងរឺម៉កលក់ផ្កា)ក្នុងទិសដៅស្របគ្នា ដែលបើកបរដោយឈ្មោះ រាម ទូច ភេទ ប្រុស អាយុ៣៥ឆ្នាំ មានទីលំនៅ ភូមិស្នាយពល ឃុំរការ ស្រុកពារាំង ខេត្តព្រៃវែង មុខរបរលក់ផ្កាបណ្តាលឲ្យអ្នកបើកបរម៉ូតូស្លាប់ភ្លាមៗនៅហ្នឹងកន្លែងកើតហេតុ៕
0 Reviews:
Post a Comment