Saturday, November 7, 2020

អ្នកប៉ះពាល់ជាមួយរដ្ឋមន្រ្តីការបរទេស​ហុងគ្រី កើនដល់៨៨៩នាក់ ប៉ុន្តែការធ្វើតេស្តដំបូងសុទ្ធតែអវិជ្ជមានកូវីដ១៩

 


តាមរយៈ​សេចក្តីប្រកាស​ព័ត៌មាន​នៅព្រឹក​នេះ ក្រសួងសុខាភិបាល​កម្ពុជាបាន​ឲ្យដឹងថា នៅថ្ងៃទី៦ វិច្ឆិកា ឆ្នាំ​២០២០ម្សិលមិញ គេបានរកឃើញ​មនុស្ស​ចំនួន ៤៩នាក់បន្ថែមទៀត ដែលប៉ះពាល់ជាមួយ​រដ្ឋមន្រ្តីការបរទេស និង​ពាណិជ្ជកម្ម នៃ​ប្រទេស​ហុងគ្រី ហើយ​ពួក​គេ​ត្រូវ​បានធ្វើតេស្ត​ដោយ​វិទ្យាស្ថានប៉ាស្ទ័រ បញ្ជាក់ថា អវិជ្ជមាន​វីរុស​កូវីដ​១៩​ទាំងអស់គ្នា។

ដូច្នេះ សរុបអ្នកប៉ះពាល់ជាមួយ​រដ្ឋមន្រ្តីការបរទេស​ និង​ពាណិជ្ជកម្ម​ហុងគ្រី ព្រមទាំងគណៈប្រតិភូ មាន​សរុប​ចំនួនទាំងអស់ចំនួន ៨៨៩នាក់ហើយ ប៉ុន្តែ​ពួកគេ​សុទ្ធតែ​អវិជ្ជមាន​វីរុស​កូវីដ​១៩ទាំងអស់។

យ៉ាងណាក៏ដោយ មនុស្ស​ទាំង ៨៨៩នាក់នោះ ត្រូវ​បាន​ក្រសួងសុខាភិបាលប្រាប់​ឲ្យ​ធ្វើ​ចត្តាឡីស័ក​នៅតាម​គេហដ្ឋាន ហើយ​នឹង​ត្រូវ​ធ្វើតេស្ត​ឡើងវិញចំនួន៣ដងទៀត​នៅវិមាន​មិត្តភាព នៃទីស្តីការគណៈរដ្ឋមន្រ្តី នៅថ្ងៃទី៩ វិច្ឆិកា, ថ្ងៃទី១៤ វិច្ឆិកា និង​នៅថ្ងៃទី១៨ វិច្ឆិកា៕

0 Reviews:

Post a Comment