ម្សិលមិញមានពលរដ្ឋ​ខ្មែរជាង​៣រយនាក់​សម្រុកចេញពីប្រទេសថៃ មក​កម្ពុជាវិញ

សូមអានបន្ត

នៅរសៀលថ្ងៃទី១៣ ខែកញ្ញា ឆ្នាំ២០២០ម្សិលមិញ មានពលរដ្ឋខ្មែរចំនួន២៨៨នាក់ ដោយ​ក្នុងនោះ​មានស្រី ១២១នាក់បានបន្តវិលចូលប្រទេសវិញកម្ពុជាវិញ តាមច្រកទ្វារព្រំដែនអន្តរជាតិអូរស្មាច់ ខេត្តឧត្តរមានជ័យ។

ដោយ​ឡែក​បើ​តាម​របាយការណ៍ពីប៉ុស្តិ៍នគរបាលច្រកទ្វារព្រំដែនអន្តរជាតិដូងវិញបានបញ្ជាក់ថា នៅថ្ងៃទី១៣ ខែកញ្ញា ឆ្នាំ២០២០នោះដែរ ក៏មានប្រជាពលរដ្ឋខ្មែរ បានធ្វើដំណើរតាមច្រករបៀងស្លាបឆ្វេង-ស្លាបស្តាំចំនួន ៥៧នាក់ ស្រី ២១នាក់ និងកុមារ ០៨នាក់ផងដែរ។

សូមជំរាបថា ភាគីថៃនៅតែបន្តបិទច្រកទ្វារព្រំដែនអន្តរជាតិ ឆង ចម ខេត្តសុរិន្ទ ទល់មុខច្រកទ្វារព្រំដែនអន្តរជាតិអូរស្មាច់ ខេត្តឧត្តរមានជ័យ ជាបណ្តោះអាសន្ន ដោយ​មិនអនុញ្ញាតឲ្យអ្នកដំណើរ គ្រប់សញ្ជាតិចេញ-ចូល ឆ្លងកាត់ ដើម្បីបង្ការ និងទប់ស្កាត់ការរាតត្បាតនៃជំងឺឆ្លង កូវីដ-១៩, តែការបិទច្រកនេះ ភាគីថៃបានលើកលែង ទំនិញដែលទទួលបានការអនុញ្ញាត និងអ្នកបើកបររថយន្តដឹកទំនិញ ដែលទទួលបានការអនុញ្ញាត ព្រមទាំងបានការឆ្លងកាត់ត្រួតពិនិត្យ ដោយសមត្ថកិច្ចទាំងភាគី កម្ពុជា-ថៃ បានត្រឹមត្រូវ និងពលរដ្ឋខ្មែរ ឬពលរដ្ឋថៃ ដែលត្រូវវិលត្រឡប់ចូលប្រទេសរៀងៗខ្លួន៕