បែកធ្លាយក្លិនស្អុយអំពើពុករលួយរបស់ប្រធានជញ្ជីងថ្លឹងរថយន្តនិងបក្សពួកប្រព្រឹត្តអំពើពុករលួយយ៉ាងធ្ងន់ធ្ងរ

សូមអានបន្ត

ស្វាយរៀង៖បែកធ្លាយក្លិនស្អុយអំពើពុករលួយរបស់ប្រធានជញ្ជីងថ្លឹងរថយន្តនិងបក្សពួកប្រព្រឹត្តអំពើពុករលួយយ៉ាងធ្ងន់ធ្ងរធ្វើឱ្យខូចផ្លូវនិងបាត់បង់ចំណូលចូលជាតិក្នុងមួយឆ្នាំៗរាប់សិបម៉ឺនដុល្លារ។ ប្រភពពីរអាជីវករបានទំលាយភាពមិនប្រក្រតី របស់ប្រធានជញ្ជីងថ្លឹងរថយន្តដែលប្រចាំការនៅភូមិកំពោតជ្រកសង្កាត់អង្គុញក្រុងបាវិតខេត្តស្វាយរៀងបានប្រព្រឹត្តិអំពើពុករលួយបញ្ជាឲ្យ កូនចៅអង្គុយចាំយកលុយពីតៃកុងឡានដឹកលើសទម្ងន់ដែលក្រសួងបានកំណត់ឬហាមដឹកលើសទម្ងន់ធ្វើឲ្យខូចខាតផ្លូវថ្នល់ជាតិយ៉ាងដំណំ។ ប្រភពដដែលបានឲ្យដឹងថាបើទោះបីជាដឹកមិនលើសទម្ងន់ក៍ដោយ ក៍មន្ត្រីនៅទីនោះតម្រូវឲ្យបង់លុយថ្លៃបាយទឹកកាហ្វេប្រចាំថ្ងៃដែរ។ 

ក្រុមអ្នករកស៊ីដឹកទំនិញទទួលស្គាល់ថា ការដឹកជញ្ជូនអាចមានលើសទម្ងន់បន្តិចបន្តួច ប៉ុន្តែមិនដល់ថ្នាក់រាប់តោននោះទេ រីឯមន្ត្រីដែលប្រចាំការនៅស្ថានីយ៍ថ្លឹងរថយន្តនេះបន់ឲ្យតែមានរថយន្តដឹកលើសទម្ងន់ដើម្បីសង្កត់ក យកលុយតែប៉ុណ្ណោះ។ រឿងមន្ត្រីស្ថានីយ៍ថ្លឹងរថយន្ត នៅលើផ្លូវជាតិលេខ 1នៅចំណុចសង្កាត់ព្រៃអង្គុញពិតជាបង្កឲ្យមានការក្តៅ ក្រហាយដល់អ្នករកស៊ីដឹកទំនិញនានាហើយជាពិកាសេសពួកអ្នកដឹកទំនិញមួយចំនួនឆ្លៀតឱកាសវាងផ្លូវ ដែលបណ្ដាលឲ្យផ្លូវដ៍ទៃខូចខាត។

 

ប្រភពពីជីវករមួយចំនួនបានបង្ហើបឲ្យសារព័ត៌មានរស្មីកោះធំដឹងថា បើឡានពួកគេដឹកលើសទម្ងន់ប្រធានជញ្ជីងមិនឱ្យចូលជញ្ជើញថ្លឹងទម្ងន់ទេ រង់ចាំពេលយប់បើកក្រៅជញ្ជីងហើយប្រធានជញ្ជីងតម្រូវឲ្យបង់លុយចាប់ពី 10 ម៉ឺនរហូតដល់ 15 ម៉ឺនរៀលផ្នូរហ្នឹងមិនបង្ក្រាបឬឃាត់រថយន្តទុក្ខអនុវត្តតាមច្បាប់នោះទេ។ ពាក់ព័ន្ធនឹងអំពើពុករលួយនេះដែរមហាជនក៏ដូចជាពលរដ្ឋទូទៅ សង្ឃឹមថា លោក ប៉េង ពោធិ៍​នា រដ្ឋមន្ត្រីក្រសួង​សាសាធារណះការដឹកជញ្ជូន​និង​លោក សេង ឈួន ប្រធាន​ជញ្ជីង​ទូទាំង​ប្រទេសចាត់កម្លាំងចុះស្រាវជ្រាវ មិន​គួរ​មើលរំលង​តទៅទៀត​នោះ​ទេ ព្រោះ​ក្រុម​ជញ្ជីង​ថ្លឹង​រថយន្ត​ផ្លូវជាតិ​លេខ​(១)សង្កាត់ព្រៃអង្គុញ ក្រុងបាវិត ខេត្ត​ស្វាយរៀង កំពុង​ប្រែ​ក្លាយទៅជា​ក្រុម​ជញ្ជីង​ថ្លឹង​លុយ​តែ​ម្យ៉ាង​គត់​។ សូមបញ្ជាក់ថា រាល់ការផ្សាយ របស់អង្គភាពយើងខ្ញុំ ផ្សាយក្នុងន័យរិះគន់ ដើម្បីស្ថាបនា មិនមានចេតនាណាមួយ រិះគន់ ដើម្បីជាន់ពន្លិច ទៅលើមន្ត្រីសាធារណៈ ណាមួយឡើយ៕