ទីតាំងលួចបើកល្បែងស៊ីសងជល់មាន់តាមប្រព័ន្ធអនឡាញអាជ្ញាធរ រក្សាភាពស្ងៀមស្ងាត់!!!

សូមអានបន្ត

(ខេត្តកំពត ) ទីតាំងល្បែងសុីសងជល់មាន់តាមប្រព័ន្ធអនឡាញដុះស្លែមួយកន្លែងកំពុងដំណើរការយ៉ាងរលូន នៅផ្ទះឈ្មោះ ពូម៉េត យាយយួន ដែលមានទីតាំងស្ថិតក្នុងភូមិឃ្លាំងខាងជើង ឃុំប្រាសាទ ស្រុកកំពង់ត្រាច់ គ្មានខ្លាចអាជ្ញាធរ មានសមត្ថកិច្ច ចុះបង្ក្រាបឡើយ។ ប្រជាពលរដ្ឋនិងមហាជនលើកឡើងថាបើម្ចាស់ផ្ទះធ្លាប់ធ្វើកិច្ចសន្យាហើយនៅតែបើកល្បែងស៊ីសងមាន់ជល់តាមប្រព័ន្ធអនឡាញបានរយ៉ាងលូនដូច្នេះហេតុអ្វីលោកនាយប៉ុស្តិប្រាសាទនិងលោកវរសេនីយ៍ឯក សេងសុគន្ធចាត់ នៃអធិការដ្ឋាននគរបាលស្រុកកំពងត្រាច រក្សាភាពស្ងៀមស្ងាត់មិនចុះបង្ក្រាប។ 

 

ប្រជាពលរដ្ឋកំពុងមានការព្រួយបារម្ភយ៉ាងខ្លាំងខណៈពេលឃើញក្រុមអ្នកញៀនល្បែងទាំងនោះប្រមូលផ្តុំគ្នាចូលទៅលេងល្បែងស៊ីសងមាន់ជល់តាមប្រព័ន្ធអនឡាញទាំងយប់ទាំងថ្ងៃបែរជាអាជ្ញាធរមានសមត្ថកិច្ចក្នុងមូលដ្ឋានហាក់បីដូចជាគ្មានចំណាត់ការទាល់តែសោះឬមួយទទួលបានលាភសក្ការៈទើបបើកភ្លើងខៀវឲ្យម្ចាស់ទីតាំងមួយនេះបើកល្បែងស៊ីសងលេងបានយ៉ាងរលូនដូចច្នេះ ល្បែងស៊ីសងជាដើមចមបង្កើតករណីអំពើចោរកម្មផ្សេងៗដូចជា៖ចោរលួច-ឆក់-ប្លន់-គាស់ផ្ទះជាពិសេសអំពើហិង្សាក្នុងគ្រួសារដោយផ្ដើមចេញពីល្បែងទាំងនេះ។

ប្រជាពលរដ្ឋរស់ក្នុងឃុំប្រាសាទស្រុកកំពង់ត្រាចសូមសំណូមពរដល់ ឧត្តមសេនីយ៍ទោម៉ៅច័ន្ទៈធុរិទ្ធ ស្នងការនគរបាលខេត្តកំពត គួរតែយកចិត្តទុកដាក់ចាត់កម្លាំងជំនាញនៃស្នងការចុះជ្រាវស្រាវនិងធ្វើការបង្ក្រាបទីតាំងល្បែងស៊ីសងខាងលើទាំងនេះផងទាន!។ ទោះជាយ៉ាងណាអ្នកសារព័ត៌មានគ្រាន់តែជាកញ្ចក់ឆ្លុះបញ្ចាំងពីសង្គមពិត ចូលរួមចំណែកជាមួយរាជរដ្ឋាភិបាល អង្គភាពសារព័ត៌មានយើងចាំទទួលបំភ្លឺ បកស្រាយគ្រប់ម៉ោងធ្វើការ តាមរបបស្តីពីសារព័ត៌មាននៃព្រះរាជាណាចក្រកម្ពុជា សូមអរគុណ៕