កាស៊ីណូមួយកន្លែងកំពុងតែបំពានច្បាប់បើកឱ្យជនជាតិខ្មែរចូលលេងល្បែងស៊ីសង មាន​ជល់មាន់​ យូគី​ អាប៉ោង បានយ៉ាងសេរីគ្មានអាជ្ញាធរមានសមត្ថកិច្ចណាហ៊ានបង្ក្រាប!

សូមអានបន្ត

ខេត្តស្វាយរៀង ៖​ កាសសុីណូមួយកន្លែង នៅក្បែរច្រកទ្វេរភាគី កម្ពុជា-វៀតណាម "ស្ថិតនៅភូមិឃ្លោកសង្កាត់ច្រកម្ទេស ក្រុងបាវិត ខេត្តស្វាយរៀង កំពុងបើកឱ្យជនជាតិខ្មែរចូលលេងល្បែងស៊ីសងជល់មាន់ យូគី អអាប៉ោងដែលច្បាប់បានហាមឃាត់ មិនមានការរំខានដល់មន្ត្រីជំនាញក្នុងខេត្តស្វាយរៀងនោះទេ។ 

 ប្រភពពីប្រជាពលរដ្ឋ​ បានឲ្យដឹងថា​ កាស៊ីណូមួយនេះ បេីកលេងរាប់ឆ្នាំមកហេីយ​ មានទាំងជនជាតិវៀតណាម និងជនជាតិខ្មែរ ហេីយអ្នកញៀនល្បែងទាំងនោះ​ មកពីទីជិត​ មកពីទីឆ្ងាយ​ ដេីម្បីលេងល្បែងស៊ីសងជល់មាន់ យូគី អាប៉ោង ក្នុងកាស៊ីណូខាងលេី។ 

 បើយោងតាមប្រភពពីប្រជាពលរដ្ឋខ្លះ​ បានលេីកឡេីងថា​ កាសុី ណូខាងលើនេះ កំពុងតែបំពានច្បាប់នៃព្រះរាជាណាចក្រកម្ពុជាពាក់ព័ន្ធនឹងការធ្វើអាជីវកម្ម ដែលពួកគាត់បានលើកឡើងថាក្នុងមួយថ្ងៃៗគេសង្កេតឃើញប្រជាពលរដ្ឋខ្មែរគ្រប់ទិសទីមកបញ្ជល់មាន់នៅកាស៊ីណូខាងលើនេះមានចាញ់មានឈ្នះរាប់លានរៀលហើយមតិខ្លះទៀតបានលើកឡើងថាបេី ទោះបីជាកាសុីណូនេះមានច្បាប់ក៏ដោយ ក៏មិនមែនមានច្បាប់អោយបើកសង្វៀនមាន់ជល់ យូគី អាប៉ោងនោះដែរ ហើយមិនមានច្បាប់អនុញ្ញាតអោយជនជាតិខ្មែរចូលលេងនោះទេ។ 

 ប្រជាពលរដ្ឋលើកឡើង ថាល្បែងស៊ីសងទាំងនេះហើយដែលជាដើមចមឲ្យកើតមានអំពើចោរកម្មដូចជា៖ចោរលួច.ចោរឆក់.វ៉ៃប្លន់.គាស់ផ្ទះ និងអំពើហឹង្សារក្នុងគ្រួសារហេតុអ្វី អាជ្ញាធរមានសមត្ថកិច្ចក្នុងមូលដ្ឋានរក្សាភាពស្ងៀមស្ងាត់មិនចុះបង្ក្រាប។ ប្រជាពលរដ្ឋដែលរស់នៅក្នុង ភូមិឃ្លោកសង្កាត់ច្រកម្ទេសក្រុងបាវិតខេត្តស្វាយរៀង សូមសំណូមពរដល់លោកឧត្តមសេនីយ៍ទោ​ ពេជ្រ វីរ: ស្នងការដ្ឋាននគរបាលខេត្តស្វាយរៀង និងឯកឧត្តមប៉េងពោធិ៍សា អភិបាលនៃគណៈអភិបាលខេត្តស្វាយរៀងចាត់កម្លាំងជំនាញក្រោមឱវាទចុះស្រាវជ្រាវនិងធ្វើការបង្ក្រាបទីតាំងល្បែងស៊ីសងខាងលើទាំងនេះផង!ដើម្បីភូមិឃុំមានសុវត្ថិភាពផងទាន។