![](https://blogger.googleusercontent.com/img/b/R29vZ2xl/AVvXsEi97aFm8ZpqcGl56fmI8g-6kRQQ2pdhYI5KedNXFVKCXIwXhP_jYcZdBErjcUz4VOPWptWDcCHT8UmMWlrOh-j7XSiGBAMShfhYXG_-e9-bId8mnDOWUD6MJUEy0fsPeA6JRM_IIbhoe0dDJYX0GlEqBHO06hiovIQZGxkE3ShMsb_B3KOwpRaFunnGVEY/w640-h426/IMG_20231001_142128_757.jpg)
ផ្អែកលើអាទិភាព នៃយុទ្ធសាស្រ្តបញ្ចកោណ ក្នុងបញ្ចកោណទី៤ មុំទី៤ ក្រសួងរៀបចំដែនដី នគរូបនីយកម្ម និងសំណង់ ផ្តោលើទិសដៅ អាទិភាពគោលនយោបាយ ១៥ចំណុច ដូចខាងក្រោម ៖
1- ការងាររៀបចំគោលនយោបាយ ឱ្យកាន់តែមានភាពជាក់ស្តែង
2- ការងាររៀបចំក្របខ័ណ្ឌគតិយុត្ត ដោយពិនិត្យកែលម្អ បំពេញបន្ថែម និងធ្វើបច្ចុប្បន្នភាពឱ្យបានកាន់តែពេញលេញស្របតាមបរិបទថ្មី
3- ការកសាងស្ថាប័ន និងរដ្ឋបាលសាធារណៈទំនើប ដែលអនុញ្ញាតឱ្យប្រព័ន្ធការងារប្រចាំថ្ងៃមានដំណើរការដោយស្វ័យប្រវត្តិ និងប្រសិទ្ធ ភាព
4- ការលើកកម្ពស់សេវាសាធារណៈទំនើប និងការគ្រប់គ្រងទិន្នន័យ ដើម្បីផ្តល់សេវាលឿន រហ័ស តម្លាភាព ប្រសិទ្ធភាព ងាយស្រួល និងជឿទុកចិត្ត
5- ការងារចុះបញ្ជីដីធ្លី ដើម្បីបន្តផ្តល់ប័ណ្ណកម្មសិទ្ធិដល់ប្រជាជនឱ្យបានលឿន ដើម្បីជាមូលដ្ឋានប្រភពសេដ្ឋកិច្ច និងសុវត្ថិភាពនៃការកាន់កាប់ដីធ្លី
6- ការរៀបចំដែនដី ស្របតាមទិសការអភិវឌ្ឍសេដ្ឋកិច្ច-សង្គមឱ្យមានប្រសិទ្ធភាព និងចីរភាព
៧. ការអភិវឌ្ឍនគរូបនីយកម្ម តាមរយៈការរៀបចុះផែនការអភិវឌ្ឍទីក្រុង ទីប្រជុំជន ស្របទៅតាមទស្សនាទានទីក្រុងស្អាត ទីក្រុងឆ្លាត និងទីក្រុងគួរឱ្យចង់រស់នៅ
៨. ស្ថាបត្យកម្មខ្មែរសហសម័យ ដោយជំរុញការសាងសង់ដោយយករចនាបថខ្មែរមកប្រើប្រាស់ឱ្យបានច្រើន និងចលនាលើកតម្កើងរចនាបថស្ថាបត្យកម្មខ្មែរ ព្រមទាំងង្រឹងគុណភាព និងសុវត្ថិភាពសំណង់
៩. ការងារលំនៅឋាន ៖ រៀបចំលំនៅឋានសមរម្យ គួរឱ្យរស់នៅ និងមានបរិស្ថានល្អ ប្រកបដោយសុខដុម តាមរយៈការរៀបចំគម្រូផ្ទះជាមូលដ្ឋាន គម្រូបុរីជនបទ ការកែលម្អលំនៅឋាន ភូមិចាស់ និងគម្រូលំនៅឋានសម្រាប់ទីតាំងថ្មីៗ
១០. ការងារអធិការកិច្ច និងសវនកម្មផ្ទៃក្នុង ៖ ការបង្កើនប្រសិទ្ធការងារ ពិសេសការពង្រឹងគុណភាពសេវា និងការបង្កើនប្រសិទ្ធភាពក្នុងការដោះស្រាយវិវាទដីធ្លី ឱ្យបានលឿន ហើយដាច់ស្រេច ដើម្បីឈានដល់ចុះបញ្ជីបានលឿន
១១. ការងារលំនៅឋាន សម្បទានដីសង្គមកិច្ច ៖ តាមរយៈការអភិវឌ្ឍលំនៅឋានដីសង្គមកិច្ចប្រកបដោយចីរភាព ពិសេសផលិតកម្មកសិកម្ម ប្រព័ន្ធ គាំពារសង្គមកិច្ច សេវាអប់រំនិងសុខាភិបាល ព្រមទាំងសេវាសង្គមកិច្ចនានាដែលអាចទ្រទ្រង់ការ អភិវឌ្ឍសហគមន៍ ពិសេសនិរន្តរភាពជីវភាព និងសេដ្ឋកិច្ចគ្រួសារ។
១២. ក្របខ័ណ្ឌកិច្ចសហប្រតិបត្តិការអន្តរជាតិ ៖ ក្នុងស្មារតីដើម្បីជាឧត្តមប្រយោជន៍ដល់ប្រជាជន
១៣. កាអភិវឌ្ឍធនធានមនុស្ស៖ តាមរយៈការពង្រឹងសមត្ថភាពបន្ថែមទៀតលើជំនាញបច្ចេកទេស និងការចូលរួមកាន់តែសកម្មលើការងាររដ្ឋបាលទំនើប និងពង្រឹងសមត្ថភាពស្ថាប័ន
១៤. ការលើកម្ពស់ការយល់ដឹងក្នុងវិស័យរៀបចំដែនដី នគរូបនីយកម្មនិងសំណង់ ៖ ដើម្បីលើកកិត្យានុភាពកម្ពុជាបន្ថែមទៀតលើឆាកអន្តរជាតិ ដែលអនុញ្ញាតឱ្យមជ្ឈដ្ឋានជាតិ និងអន្តរជាតិកាន់តែមានជំនឿទុកចិត្ត លើកម្ពុជា ព្រមទាំងផ្តល់ព័ត៌មាន ចំណេះដឹងកាន់តែទូលំទូលាយ បន្ថែមទៀតដល់សាធារណៈជន
១៥. កិច្ចការសន្តិសុខនយោបាយ និងកិច្ចការសន្តិសុខសេដ្ឋកិច្ច ៖ តាមរយៈការពង្រឹងកិច្ចសហប្រតិបត្តិការគ្រប់ដៃគូអភិវឌ្ឍន៍ និងប្រទេសដៃគូក្នុងអាស៊ាន ដើម្បីរក្សាជំហរពហុភាគីនិយម និងតុល្យភាពនយោបាយ ផ្ទៃក្នុង និងនយោបាយការបរទេស ព្រមទាំងខិតខំដោះស្រាយបញ្ហានានាដែលអាចជះឥទ្ធិពលដល់ស្ថេរភាពនយោបាយ។
ឯកឧត្តមឧបនាយករដ្ឋមន្ត្រី បានបញ្ចាក់អំពីការបំពេញការងារក្នុងអាណត្តិទី៧នេះ គឺបន្តមរតកសមិទ្ធផលនៃ រដ្ឋបុរសរបស់កម្ពុជា ពិសេស ព្រះករុណាព្រះបាទសម្តេចព្រះបរមរតនកោដ្ឋ ដែលបានទាមទារឯករាជ្យជាតិ បន្តមកដំណាក់កាលដែលសម្តេចអគ្គមហាសេនាបតីតេជោ ហ៊ុន សែន បានតស៊ូលះបង់គ្រប់បែបយ៉ាងដើម្បីរំដោះជាតិ និងអភិវឌ្ឍប្រទេសរហូតដល់ទទួលបាន ឯកភាពជាតិ និងសុខសន្តិភាពពេញលេញ ហើយ បានបន្តដំណើរមកដល់សហសម័យកម្ពុជាដែលជាយុគសម័យទំនើបនៃការបន្តដំណើររីកចម្រើនទៅមុខ ក្រោមការដឹកនាំរបស់ សម្តេចធិបតីនាយករដ្ឋមន្រ្តី នៃព្រះរាជាណាចក្រកម្ពុជា។
ពិធីសំណេះសំណាលជាមួយថ្នាក់ដឹកនាំមន្រ្តីរាជការ នៃក្រសួងរៀបចំដែនដី នគរូបនីយកម្ម និងសំណង់ ដើម្បីបង្ហាញអំពីទិសដៅការងារជាអាទិភាពរបស់ក្រសួងរៀបចំដែនដី នគរូបនីយកម្ម និងសំណង់ សម្រាប់អាណត្តិទី៧ ក្រោមអធិបតី ឯកឧត្តម សាយ សំអាល់ ឧបនាយករដ្ឋមន្រ្តី និងជារដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ នៅរសៀលថ្ងៃទី២៩ ខែកញ្ញា ឆ្នាំ២០២៣។
![](https://blogger.googleusercontent.com/img/b/R29vZ2xl/AVvXsEiC7IHia-Kf8vbsUO9o5Pk-dH4MstMJlZS_X_8ESC2xJtGltI19qvTMv87G7SyJ3fmOdBcic1MTChXo7DJkAE0ACtmv_c6eMkrwyk6N3D8e7EYLmEtcPUpSwtstklLYp01w2PfWvuBo7ST4FRfKraSruWdTAFwKJdeCOCCOjRJx8p-qdvOP_K_whFpWn6M/w640-h458/IMG_20231001_142128_610.jpg)
![](https://blogger.googleusercontent.com/img/b/R29vZ2xl/AVvXsEhGUg65Ek71kAxZY920M8I2duKmRKERRfmg888nEK-jKEvnd46vX5ecAvILbbJtbW57N2R-mffLmQkhD7WbEG8zIRp8T22k7_b3lO9gSJQGjWmC7k50rSIdilv_8nG5l0KFprVFBnykhfX4cxRFdAyoHcQzsC4Uc7P33SLTNXrVLvGy0If4_jBVJUHk66k/w640-h426/IMG_20231001_142128_763.jpg)
![](https://blogger.googleusercontent.com/img/b/R29vZ2xl/AVvXsEhh94UqZbzFHvcYrOFQlyXO8hYSFbOOwmiqmlZ2sn4gWyHnbYR006HgKF0guuOnVnh-sPs9NWm1vyM8Z0h_TjcTzN6cce0JrXaEq0U7dsEqbmnJycCbUzf2icuYGiCqjrZu8eMM6z_6saGxG9S-Oaydq7D2fq8-ks5q2mShOxeF6XSlPtCTVjFZS7_O7j0/w640-h426/IMG_20231001_142128_851.jpg)
![](https://blogger.googleusercontent.com/img/b/R29vZ2xl/AVvXsEgb55OluetBFc0j-pZ6tsdOA87QmtsJcbPNwcJqoKcUhMXEVwlt72ZRkGlwvNJ2w8qnnJYPTjgXEDt5IoKUJg9VjaEDHAs0qhc_F79taLpB-yIHdlgkQ_dF6EpHwmeTHSl-9T962krzk676OAFBln0Mr41lLBNhctfDB97l8SuE9vvvHaSobdGVuDwRnvk/w640-h426/IMG_20231001_142128_965.jpg)
![](https://blogger.googleusercontent.com/img/b/R29vZ2xl/AVvXsEgitDoV-I06oolqykj23yxp3NaYNvEcwudt9b6koUlN1wzU7oQcyhiDu7OIik-_q6tIC3GByuB1uirG1GryyAkJYEmXpV8qxLLX4MNHnmSUacdlyNwWrNL5ESCB3dfARXReoS31nM9JZTwnMs6ZEk-g1McA__1cbOfka9183B0t3wh7IsGINuyJTSf2Xwo/w640-h426/IMG_20231001_142129_066.jpg)
0 Reviews:
Post a Comment