ល្បែងសុីសង{ឆ្នោតឡូតូ}តាមប្រពន្ធ័អនឡាញកុំពុងរីកដូចផ្សិត តាមបណ្ដាលភូមិ មួយចំនួនក្នុងក្រុងបាត់ដំបងមន្ត្រីអាជ្ញាធរ មិនបង្ក្រាប!!!

សូមអានបន្ត

(បាត់ដំបង)៖ ល្បែងស៊ីសង ឆ្នោតឡូតូតាម ប្រព័ន្ធអនឡាញ កំពុងរីកដូចផ្សិត តាម បណ្ដាលភូមិមួយចំនួនក្នុង ក្រុងបាត់ដំបងជាពិសេសក្នុងភូមិច្រាបក្រសាំងសង្កាត់វត្តគរក្រុងបាត់ដំបងខេត្តបាត់ដំបងប៉ុន្តែមិនឃើញអាជ្ញាធរ មានសមត្ថកិច្ច ចុះបង្ក្រាបឡើយ។

ប្រជាពលរដ្ឋកំពុងមានការព្រួយបារម្ភយ៉ាងខ្លាំងខណៈពេលឃើញក្រុមអ្នកញៀនល្បែងមានទាំងសិស្សសាលាផងនោះប្រមូលផ្តុំគ្នាចូលទៅលេងល្បែងស៊ីសងជារាល់ថ្ងៃបែរជាអាជ្ញាធរមានសមត្ថកិច្ចក្នុងមូលដ្ឋាន តាមបណ្ដាលភូមិទាំងនេះហាក់បីដូចជាគ្មានចំណាត់ការទាល់តែសោះឬមួយទទួលបានលាភសក្ការៈទើបបើកភ្លើងខៀវឲ្យម្ចាស់ទីតាំងទាំងនេះបើកល្បែងស៊ីសងលេងបានយ៉ាងរលូនដូចច្នេះ។

ប្រជាពលរដ្ឋលើកឡើង ថាល្បែងស៊ីសងទាំងនេះហើយដែលជាដើមចមឲ្យកើតមានអំពើចោរកម្មដូចជា៖លួច.ឆក់.វ៉ៃប្លន់.និងគាស់ផ្ទះ អំពើហឹង្សារក្នុងគ្រួសារហេតុអ្វី អាជ្ញាធរមានសមត្ថកិច្ចក្នុងមូលដ្ឋាន ជាសិសេសលោក វិរះសេនីយ៍ត្រីប៉ាងហៀងអធិការនគរបាលក្រុងបាត់ដំបងនៅរក្សាភាពស្ងៀមស្ងាត់មិនចុះបង្ក្រាប។

ប្រជាពលរដ្ឋដែលរស់នៅក្នុងក្រុងបាត់ដំបងសូមសំណូមពរដល់លោក ឧត្តមសេនីយ៍ទោ សាតគឹមសាន ស្នងការដ្ឋាននគរបាលខេត្តបាត់ដំបង និងឯកឧត្តមសុខលូ អភិបាលនៃគណៈអភិបាលខេត្តបាត់ដំបងចាត់កម្លាំងជំនាញក្រោមឱវាទចុះស្រាវជ្រាវនិងធ្វើការបង្ក្រាបទីតាំងល្បែងស៊ីសងខាងលើទាំងនេះផង!ដើម្បីភូមិឃុំមានសុវត្ថិភាពផងទាន។