ល្បែងសុីសង{ជល់មាន់និងឆ្នោតឡូតូ}តាមប្រពន្ធ័អនឡាញកុំពុងរីកដូចផ្សិត តាមបណ្ដាលភូមិ ក្នុងស្រុកបាណន់មន្ត្រីអាជ្ញាធរ មិនបង្ក្រាប!!!

សូមអានបន្ត

(បាត់ដំបង)៖ ល្បែងស៊ីសង ជល់មាន់និងឆ្នោតឡូតូតាម ប្រព័ន្ធអនឡាញ កំពុងរីកដូចផ្សិត តាម បណ្ដាលភូមិមួយចំនួនក្នុងស្រុកបាណន់ ជាពិសេសក្នុងភូមិឈើទាលឃុំឈើទាលនៅក្រោយសាលាបឋមសិក្សាឈើទាល ប៉ុន្តែមិនឃើញអាជ្ញាធរ មានសមត្ថកិច្ច ចុះបង្ក្រាបឡើយ។

ប្រជាពលរដ្ឋកំពុងមានការព្រួយបារម្ភយ៉ាងខ្លាំងខណៈពេលឃើញក្រុមអ្នកញៀនល្បែងទាំងនោះប្រមូលផ្តុំគ្នាចូលទៅលេងល្បែងស៊ីសងជារាល់ថ្ងៃបែរជាអាជ្ញាធរមានសមត្ថកិច្ចក្នុងមូលដ្ឋាន តាមបណ្ដាលភូមិទាំងនេះហាក់បីដូចជាគ្មានចំណាត់ការទាល់តែសោះឬមួយទទួលបានលាភសក្ការៈទើបបើកភ្លើងខៀវឲ្យម្ចាស់ទីតាំងទាំងនេះបើកល្បែងស៊ីសងលេងនៅក្បែរសាលារៀនបានយ៉ាងរលូនដូចច្នេះ។

ប្រជាពលរដ្ឋលើកឡើង ថាល្បែងស៊ីសងទាំងនេះហើយដែលជាដើមចមឲ្យកើតមានអំពើចោរកម្មដូចជា៖លួច.ឆក់.វ៉ៃប្លន់.និងគាស់ផ្ទះ អំពើហឹង្សារក្នុងគ្រួសារហេតុអ្វី អាជ្ញាធរមានសមត្ថកិច្ចក្នុងមូលដ្ឋាន ជាសិសេសលោក វរសេនីយ៍ឯក សំវិរះ អធិការនគរបាលស្រុកបាណន់នៅរក្សាភាពស្ងៀមស្ងាត់មិនចុះបង្ក្រាប។

ប្រជាពលរដ្ឋដែលរស់នៅក្នុងឃុំឈើទាលស្រុកបាណន់សូមសំណូមពរដល់លោកឧត្តមសេនីយ៍ទោ សាតគឹមសាន ស្នងការដ្ឋាននគរបាលខេត្តបាត់ដំបង និង ឯកឧត្តមសុខលូ អភិបាលនៃគណៈអភិបាលខេត្តបាត់ដំបងចាត់កម្លាំងជំនាញក្រោមឱវាទចុះស្រាវជ្រាវនិងធ្វើការបង្ក្រាបទីតាំងល្បែងស៊ីសងខាងលើទាំងនេះផង!ដើម្បីភូមិឃុំមានសុវត្ថិភាពផងទាន។