ល្បែងសុីសង{ជល់មាន់}តាមប្រពន្ធ័អនឡាញកុំពុងរីកដូចផ្សិត តាមបណ្ដាលភូមិ ក្នុងស្រុកស្រីសន្ធរមន្ត្រីអាជ្ញាធរ មិនបង្ក្រាប!!!

សូមអានបន្ត

(កំពង់ចាម)៖ ល្បែងស៊ីសង ជល់មាន់តាម ប្រព័ន្ធអនឡាញ កំពុងរីកដូចផ្សិត តាម បណ្ដាលភូមិឃុំក្នុងស្រុកស្រីសន្ធរ ជាពិសេសក្នុង ភូមិសន្ទៃនិងភូមិរកាទ្វារក្នុងឃុំព្រែកពោធិ៍ស្រុកស្រីសន្ធរ ខេត្តកំពង់ចាម គ្មានខ្លាចអាជ្ញាធរ មានសមត្ថកិច្ច ចុះបង្ក្រាបឡើយ។

ប្រជាពលរដ្ឋកំពុងមានការព្រួយបារម្ភយ៉ាងខ្លាំងខណៈពេលឃើញក្រុមអ្នកញៀនល្បែងទាំងនោះប្រមូលផ្តុំគ្នាចូលទៅលេងល្បែងស៊ីសងជារាល់ថ្ងៃបែរជាអាជ្ញាធរមានសមត្ថកិច្ចក្នុងមូលដ្ឋាន តាមបណ្ដាលភូមិទាំងនេះហាក់បីដូចជាគ្មានចំណាត់ការទាល់តែសោះឬមួយទទួលបានលាភសក្ការៈទើបបើកភ្លើងខៀវឲ្យម្ចាស់ទីតាំងទាំងនេះបើកល្បែងស៊ីសងលេងបានយ៉ាងរលូនដូចច្នេះ។

ប្រជាពលរដ្ឋលើកឡើង ថាល្បែងស៊ីសងទាំងនេះហើយដែលជាដើមចមឲ្យកើតមានអំពើចោរកម្មដូចជា៖លួច.ឆក់.វ៉ៃប្លន់.និងគាស់ផ្ទះ អំពើហឹង្សារក្នុងគ្រួសារហេតុអ្វី អាជ្ញាធរមានសមត្ថកិច្ចក្នុងមូលដ្ឋាន ជាសិសេសលោក វរសេនីយ៍ឯក ប៉ាកជាតិ អធិការនគរបាលស្រុកស្រីសន្ធរនៅរក្សាភាពស្ងៀមស្ងាត់មិនចុះបង្ក្រាប។ 

ប្រជាពលរដ្ឋដែលរស់នៅក្នុងឃុំព្រែកពោធិ៍ស្រុកស្រីសន្ធរសូមសំណូមពរដល់លោក ឧត្តមសេនីយ៍ត្រី ហេង វុទ្ធី ស្នងការដ្ឋាននគរបាលខេត្តកំពង់ចាម និងឯកឧត្តមអ៊ុនចាន់ដាអភិបាលនៃគណៈអភិបាលខេត្តកំពង់ចាមចាត់កម្លាំងជំនាញក្រោមឱវាទចុះស្រាវជ្រាវនិងធ្វើការបង្ក្រាបទីតាំងល្បែងស៊ីសងខាងលើទាំងនេះផង!ដើម្បីភូមិឃុំមានសុវត្ថិភាពផងទាន។