ទីតាំងលួចបើកល្បែងស៊ីសងអាប៉ោងក្នុងភូមិថ្មីមន្ត្រីអាជ្ញាធរ រក្សាភាពស្ងៀមស្ងាត់!!!

សូមអានបន្ត

(កណ្តាល)៖ ល្បែងស៊ីសង អាប៉ោងភ្នាល់ដាក់ប្រាក់ដុះស្លែមួយកន្លែង កំពុងបើក យ៉ាងរលូនក្នុងភូមិថ្មី សង្កាត់កំពុងសំណាញក្រុងតាខ្មៅ ខេត្តកណ្តាលគ្មានខ្លាចអាជ្ញាធរ មានសមត្ថកិច្ច ចុះបង្ក្រាបឡើយ។ បើតាមសំដីរបស់លោកអនុសេនីយ៍ឯកប៉ាំងមិនានាយប៉ុស្តិ៍ស្តីទីកំពង់សំណាញ់បានឲ្យដឹងថា ម្ចាស់ផ្ទះដែលបើកល្បែងស៊ីសងអាប៉ោងធ្លាប់ធ្វើកិច្ចសន្យាម្ដងរួចមកហើយ។

 ប្រជាពលរដ្ឋនិងមហាជនលើកឡើងថាបើម្ចាស់ផ្ទះធ្លាប់ធ្វើកិច្ចសន្យាហើយនៅតែបើកល្បែងស៊ីសងអាប៉ោងបានយ៉ាងរលូនដូច្នេះហេតុអ្វីលោកអនុសេនីយ៍ឯកប៉ាំងមិនានាយប៉ុស្តិស្តីទីកំពង់សំណាញ់និងលោកវរសេនីយ៍ឯកយីវណ្ណដាអធិការនៃអធិការដ្ឋាននគរបាលក្រុងតាខ្មៅរក្សាភាពស្ងៀមស្ងាត់មិនចុះបង្ក្រាប។ 

 ប្រជាពលរដ្ឋកំពុងមានការព្រួយបារម្ភយ៉ាងខ្លាំងខណៈពេលឃើញក្រុមអ្នកញៀនល្បែងទាំងនោះប្រមូលផ្តុំគ្នាចូលទៅលេងល្បែងស៊ីសងអាប៉ោងទាំងយប់ទាំងថ្ងៃបែរជាអាជ្ញាធរមានសមត្ថកិច្ចក្នុងមូលដ្ឋានហាក់បីដូចជាគ្មានចំណាត់ការទាល់តែសោះឬមួយទទួលបានលាភសក្ការៈទើបបើកភ្លើងខៀវឲ្យម្ចាស់ទីតាំងមួយនេះបើកល្បែងស៊ីសងលេងបានយ៉ាងរលូនដូចច្នេះ។ ប្រជាពលរដ្ឋរស់នៅភូមិថ្មីសង្កាត់កំពង់សំណាញ់ក្រុងតាខ្មៅសូមសំណូមពរដល់ ឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល គួរតែយកចិត្តទុកដាក់ចាត់កម្លាំងជំនាញនៃស្នងការចុះជ្រាវស្រាវនិងធ្វើការបង្ក្រាបទីតាំងល្បែងស៊ីសងខាងលើទាំងនេះផង!ដើម្បីគោរពតាមប្រសាសន៍ដល់ខ្ពង់ខ្ពស់សម្ដេចក្រឡាហោម ស ខេង និងរក្សាសន្តិសុខសុវត្ថិភាពជូនបងប្អូនប្រជាពលរដ្ឋនៅក្នុងមូលដ្ឋាននិងគោរពតាមគោលនយោបាយភូមិ/ឃុំ/រឺស្រុកមានសុវត្ថិភាពទាំង៧ ចំណុចឲ្យមានប្រសិទ្ធភាពខ្ពស់និងរួមចំណែកបញ្ជៀសករណីអំពើចោរកម្មផ្សេងៗដូចជា៖លួច-ឆក់-ប្លន់-គាស់ផ្ទះជាពិសេសអំពើហិង្សាក្នុងគ្រួសារដោយផ្ដើមចេញពីល្បែងទាំងនេះ ព្រោះថាល្បែងស៊ីសងជាដើមចមបង្កើតបទល្មើស។