នៅរសៀលថ្ងៃទី១៤ខែ កញ្ញា ឆ្នាំ២០២២ ដែលត្រូវនឹងវេនទី៤ និងទី៥នៃពិធី បុណ្យកាន់បិណ្ឌ និង ភ្ជុំបិណ្ឌឯកឧត្ដម ឃួង ស្រេង អភិបាលរាជធានីភ្នំពេញ និងលោកជំទាវជា ស៊ីណា ឃួងស្រេង បានអញ្ជើញជាអធិបតីក្នុងពិធីបុណ្យកាន់បិណ្ឌជាមួយមន្ត្រីរាជការក្រោមឱវាទរាជធានីភ្នំពេញ និងប្រជាពុទ្ធបរិសទ្ធ័ទីជិតទីឆ្ងាយ ប្រកបដោយសទ្ធាជ្រះថ្លា និងបរិសុទ្ធក្នុងព្រះពុទ្ធសាសនា។ បុណ្យកាន់បិណ្ឌ និងភ្ជុំបិណ្ឌជាប្រពៃណីប្រព្រឹត្តទៅពីថ្ងៃ១រោចដល់ថ្ងៃ១៥ រោចខែ ភទ្របទ ត្រូវនឹងថ្ងៃទី១១ ដល់ថ្ងៃទី២៥ ខែកញ្ញា។ ក្នុងរដូវកាលនេះ ប្រជាពលរដ្ឋអ្នកកាន់ព្រះពុទ្ធសាសនាទីជិតទីឆ្ងាយតែងតែធ្វើដំណើរទៅជួបជុំគ្នា ជាពិសេសឪពុកម្តាយនៅឯស្រុកកំណើតដើម្បីរៀបចំ ម្ហូបអាហារ បាយសម្ល ចង្ហាន់ យកទៅប្រគេនព្រះ សង្ឃដែលគង់នៅតាមទីអអារាមនានា និងបានឧទ្ទិសកុសលផលបុណ្យដែលបានកើតឡើងពីកម្លាំងសទ្ធាជ្រះថ្លាក្នុងឱកាសពិធីបុណ្យកាន់ បិណ្ឌ និងភ្ជុំបិណ្ឌជូនដល់បុព្វការីជនមានមាតា បិតា ជីដូនជីតាញាតិការទាំងប្រាំពីរសណ្តានដែលបានបាក់បែកចែកឋានទៅកាន់លោកខាង មុខហើយនោះ ។នាឱកាសនេះដែរ យោងប្រសាសន៍ណែនាំរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបន្តក្រើនរំលឹកដល់ប្រជាពលរដ្ឋគ្រប់រូប សូមអនុវត្តវិធានការសុខាភិបាលឱ្យបានខ្ជាប់ខ្ជួន ក្នុងឱកាសបុណ្យកាន់បិណ្ឌនិងភ្ជុំបិណ្ឌ ដើម្បីជៀសវាងការឆ្លងជំងឺកូវីដ-១៩ឡើងវិញ ខណៈដែលជំងឺនេះនៅបន្តរកឃើញនៅឡើយ។ តាមរយៈសារសំឡេងដដែល សម្ដេចតេជោ ក៏បានណែនាំអាជ្ញាធរគ្រប់លំដាប់ថ្នាក់ បង្កើនកិច្ចការពារសុវត្ថិភាព សន្តិសុខ សណ្តាប់ធ្នាប់សាធារណៈ របៀបរៀបរយ និងសម្រួលចរាចរណ៍ឱ្យបានល្អប្រសើរ ដើម្បីបង្កលក្ខណៈ ងាយស្រួលជូនប្រជាពលរដ្ឋ ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeWYxQXc9PSIsImV4cCI6bnVsbCwicHVyIjoiYmxvYl9pZCJ9fQ==--720c7a34919c95a08bbcd6315df99204c642d48f/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/BB8B00D9-5C3D-4081-A336-57606AC.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeWIxQXc9PSIsImV4cCI6bnVsbCwicHVyIjoiYmxvYl9pZCJ9fQ==--2e3156b81b7b5cf6b84b2389e38317054b7945fd/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/480846C7-5309-4358-BB1C-0D51AA7.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeVgxQXc9PSIsImV4cCI6bnVsbCwicHVyIjoiYmxvYl9pZCJ9fQ==--7ddcad4710c0d1ccb7392901dc6ae49a64a16a1e/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/591C3EC4-DD61-4CC5-9B95-19AF190.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeWoxQXc9PSIsImV4cCI6bnVsbCwicHVyIjoiYmxvYl9pZCJ9fQ==--b57d437abc2683bc394a027c388617a029f14247/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/89B0552E-FA30-4B42-977F-E8852E9.jpeg)
0 Reviews:
Post a Comment