ភ្នំពេញ ៖ អាជ្ញាធរ និងប្រជាពលរដ្ឋប្រមាណជាង ១០០ នាក់ មកពីសង្កាត់ចំនួន ៤ ក្នុងក្រុងសៀមរាប បានចូលរួមកិច្ចពិភាក្សាជាសាធារណ:ស្តីពីការសាងសង់បណ្តាញលូខ្នែង ខ្នែងរង និងតំណភ្ជាប់តាមផ្ទះ នៃគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP)។ លោក ចៅ សុភៈភិបាល អគ្គនាយករងនៃអគ្គនាយកដ្ឋានប្រព័ន្ធចម្រោះទឹកកខ្វក់ និងជានាយកគម្រោងលើកកម្ពស់ការផ្គត់ផ្គង់
ទឹកស្អាត និងអនាម័យ (WaSSIP) បានដឹក នាំកិច្ចពិភាក្សាជាសាធារណ:ស្តីពីការងារ សាងសង់បណ្តាញលូខ្នែង ខ្នែងរង និងតំណភ្ជាប់តាមផ្ទះ ក្នុងក្រុងសៀមរាប ខេត្តសៀមរាប ជាមួយអាជ្ញាធរ និងប្រជាពលរដ្ឋប្រមាណជាង ១០០ នាក់ មកពីសង្កាត់ចំនួន ៤ គឺសង្កាត់ស្លក្រាម សង្កាត់គោកចក សង្កាត់សាលាកំរើក និងសង្កាត់ស្វាយដង្គំ និងមន្ត្រីជំនាញគ្រប់ផ្នែកពាក់ព័ន្ធចូលរួមផងដែរ កាលពីពេលថ្មីៗនេះ ។
លោកអគ្គនាយករង បានបញ្ជាក់ពីការយកចិត្តទុកដាក់ របស់ថ្នាក់ដឹកនាំក្រសួងសាធារណការ និងដឹកជញ្ជូន លើសុខុមាលភាពរបស់បងប្អូនប្រជាពលរដ្ឋ និងការខិតខំអភិវឌ្ឍន៍ជាបន្តបន្ទាប់លើហេដ្ឋារចនាសម្ព័ន្ធផ្លូវថ្នល់ បណ្តាញលូ ក្នុងក្រុងសៀមរាបនេះ តួយ៉ាងមានគម្រោងផ្លូវ៣៨ខ្សែ ការតភ្ជាប់បណ្តាញលូទឹកកខ្វក់ក្នុងគម្រោងផ្លូវ៣៨ខ្សែ ជូនពលរដ្ឋដោយឥតគិតថ្លៃ និងជាក់ស្តែងគម្រោងការសាងសង់បណ្តាញលូខ្នែង ខ្នែងរង និងតំណភ្ជាប់តាមផ្ទះ ក្រោមហិរញ្ញប្បទានរបស់ធនាគារ
ពិភពលោក (World Bank) ដែលនឹងគ្រោងដំណើរការសាងសង់ក្នុងខែកញ្ញាខាងមុខនេះ។ លោកអគ្គនាយករង បានថ្លែងអំណរគុណដល់អាជ្ញាធរ ប្រជាពលរដ្ឋមកពីសង្កាត់ទាំង ៤ ក្នុងក្រុងសៀមរាប ដែល បានលើកឡើងជាមតិយោបល់ និងបានចូលរួមសហការជាមួយក្រសួង ជាមួយនោះក៏មានការប្តេជ្ញាចិត្តរបស់ក្រុម ហ៊ុនសាងសង់ ដែលនឹងសន្យាគោរពអនុវត្តតាមកិច្ចសន្យាសាងសង់គម្រោង ដើម្បីសម្រេចឱ្យបានទៅតាមផែនការ ។
សូមបញ្ជាក់ថា កិច្ចពិភាក្សានេះ ធ្វើឡើងក្នុងគោលបំណង ផ្សព្វផ្សាយចែករំលែកនូវព័ត៌មានលម្អិត ដោយបង្ហាញពីអត្ថប្រយោជន៍សារៈសំខាន់ និងបញ្ជាក់ពីបញ្ហាផលរំខានបណ្តោះអាសន្នអំឡុងពេលសាងសង់នៃគម្រោង ដូចជា ការធ្វើចរាចរណ៍របស់គ្រឿងចក្រ ការហុយធូលីតិចតួច សំឡេងរំខានជាដើមនិងស្តាប់ ការផ្តល់យោបល់ពីអាជ្ញាធរ ចំណាប់អារម្មណ៍ប្រជាពលរដ្ឋមូលដ្ឋាន ពាក់ព័ន្ធគម្រោងសាងសង់បណ្តាញលូខ្នែង ខ្នែងរង និងតំណភ្ជាប់តាមផ្ទះ ក្នុងក្រុងសៀមរាបនេះ ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNnJoQXc9PSIsImV4cCI6bnVsbCwicHVyIjoiYmxvYl9pZCJ9fQ==--ff08875b2204b68cb0f6a6945d48f14dc8b627ec/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/8A065DD5-0C74-45DA-A584-73E36F3.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNm5oQXc9PSIsImV4cCI6bnVsbCwicHVyIjoiYmxvYl9pZCJ9fQ==--9f86950beb047f149a1e350a51206131992511c9/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/5E8677F5-00FD-48D3-A2AA-374B52C.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNjNoQXc9PSIsImV4cCI6bnVsbCwicHVyIjoiYmxvYl9pZCJ9fQ==--17f677757ecde66de6ef166b64989a87beec0f16/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/60364C1E-9359-45D5-B891-8733F35.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNnpoQXc9PSIsImV4cCI6bnVsbCwicHVyIjoiYmxvYl9pZCJ9fQ==--1f0158abcbc99bb55400d528550975a93083477e/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/0D403B00-2CEF-441A-9A14-E635EC1.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNnZoQXc9PSIsImV4cCI6bnVsbCwicHVyIjoiYmxvYl9pZCJ9fQ==--24d369c6fa45e584903afb6893f516d03e471dd3/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/6526A672-5185-4FDE-9DEC-865D1D5.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNnJoQXc9PSIsImV4cCI6bnVsbCwicHVyIjoiYmxvYl9pZCJ9fQ==--ff08875b2204b68cb0f6a6945d48f14dc8b627ec/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/8A065DD5-0C74-45DA-A584-73E36F3.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNm5oQXc9PSIsImV4cCI6bnVsbCwicHVyIjoiYmxvYl9pZCJ9fQ==--9f86950beb047f149a1e350a51206131992511c9/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/5E8677F5-00FD-48D3-A2AA-374B52C.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNjNoQXc9PSIsImV4cCI6bnVsbCwicHVyIjoiYmxvYl9pZCJ9fQ==--17f677757ecde66de6ef166b64989a87beec0f16/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/60364C1E-9359-45D5-B891-8733F35.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNnpoQXc9PSIsImV4cCI6bnVsbCwicHVyIjoiYmxvYl9pZCJ9fQ==--1f0158abcbc99bb55400d528550975a93083477e/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/0D403B00-2CEF-441A-9A14-E635EC1.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNnZoQXc9PSIsImV4cCI6bnVsbCwicHVyIjoiYmxvYl9pZCJ9fQ==--24d369c6fa45e584903afb6893f516d03e471dd3/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/6526A672-5185-4FDE-9DEC-865D1D5.jpeg)
0 Reviews:
Post a Comment