Tuesday, January 18, 2022

ក្រុមហ៊ុនស៊ីបាយអូថេចកំពុងធ្វើសកម្មភាពកាប់បំផ្លាញ់និងដឹកជញ្ជូនឈើយ៉ាងគគ្រឹកគគ្រេងចេញពីតំបន់ព្រៃឡង់

(ខេត្តក្រចេះ)ប្រជាពលរដ្ឋបានលើកឡើងថាសកម្មភាពកាប់បំផ្លាញនិងដឹកជញ្ជូនឈើចេញពីព្រៃឡង់យ៉ាងគគ្រឹកគគ្រេងដោយក្រុមហ៊ុន ស៊ីបាយអូថេចបានយ៉ាងរលូនដោយគ្មានកាត្រួតពិនិត្យនិងបង្ក្រាបពីសំណាក់មន្ត្រីមានសមកិច្ចឡើយ

ប្រជាពលរដ្ឋបានបន្តទៀតថាចាប់តាំង ពីចុងឆ្នាំ ២០២១រហូតដល់ពេលនេះ ក្រុមហ៊ុនសម្បទានសេដ្ឋកិច្ចឈ្មោះ ស៊ីបាយអូថេច (Ci-Biotech) បានបង្កើនការកាប់ឈើ និងដឹកជញ្ជូនយ៉ាងគគ្រឹក គគ្រេងចេញពីតំបន់ព្រៃឡង់ចូលមកក្នុងក្រុមហ៊ុន ដើម្បីនាំបន្តទៅកាន់ប្រទេសវៀតណាម

តាមសេចក្ដីរាយការណ៍ថា យុទ្ធនាការកាប់បំផ្លាញព្រៃឈើខ្មែរដ៍មហន្តរាយក្នុងតំបន់អភិរក្សដែលគ្រប់គ្រងដោយក្រសួងបរិស្ថាននេះ បានធ្វើឡើងនៅចំណុច អូរកំបោរ អូគ្រួត អូចា ចែម៉ែ ច្របស្វាយ ស្ថិតក្នុងឃុំកំពង់ចាម ស្រុកសំបូរខេត្តក្រចេះហើយដឹកជញ្ជូនតាមក្រោយភូមិកំភ្លុកចូលក្រុមហ៊ុនស៊ីបាយអូថេច តែម្ដង។

សូមបញ្ជាក់ថា ក្រុមហ៊ុន ស៊ី បាយអូថេច(Ci-Biotech) គឺ​ជា​ក្រុមហ៊ុន​តំណាង​ឲ្យ​រដ្ឋាភិបាល​កូរ៉េ​អភិវឌ្ឍន៍រួម​គ្គ្នាជាមួយរដ្ឋាភិបាល​កម្ពុជា វិនិយោគ​ដំណាំ​ឧស្សាហកម្ម​អាកាស្យា ឬ​ស្ថានីយ​ស្ដារ​ព្រៃ​ឈើ​ឡើង​វិញដែល​វិនិយោគ​លើ​ផ្ផ្ទៃដីជាង ៣​ម៉ឺនហិកតារ (៣៤.០០៧ ហិកតា) កាល​ពី​ខែ​មិថុនា ឆ្នាំ​២០១២ ឋិត​នៅ​ក្នុង​ស្រុក​សំបូរ ខេត្ត​ក្រចេះនិង​មួយ​ផ្នែក​ចូល​ដី​ស្រុក​សៀមបូកខេត្ត​ស្ទឹងត្រែ ៕

ប្រជាពលរដ្ឋសូមអំពាវនាវ​ដល់ឯកឧត្តមសៅសុខាជាប្រធាន​​គណៈកម្មការជាតិគួរចុះត្រួតពិនិត្យស្រាវជ្រៀវ និងចាត់វិធានការទប់ស្កាតបង្រ្កាបបទល្មើសធនធានធម្មជាតិបំផ្លាញព្រៃឡង់ ​ប្រកប​ដោយ​​ប្រសិទ្ធភាព​ផងចុះ​។


















0 Reviews:

Post a Comment