ព្រះសីហនុ ថ្ងៃទី០៨ ខែតុលា ឆ្នាំ២០២១
កាលពីព្រឹកថ្ងៃ១កើត ខែអស្សុជ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃព្រហស្បតិ៍ ទី០៧ ខែតុលា ឆ្នាំ២០២១ ឯកឧត្តម គួច ចំរើន អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តព្រះ សីហនុ បានដឹកនាំមន្ត្រីជំនាញពាក់ព័ន្ធចុះពិនិត្យ និងនាំយកអំណោយមនុស្សធម៌សាខាកាក បាទក្រហមកម្ពុជាខេត្តព្រះសីហនុ ចែកជូនប្រជាពលរដ្ឋរងគ្រោះដោយអគ្គិភ័យចំនួន ០៣គ្រួសារ នៅភូមិកោះតូច សង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ ។
ឯកឧត្តមប្រធានគណៈកម្មាធិការសាខា បានចូលសម្តែងការសោកស្តាយចំពោះ គ្រួសារបងប្អូនប្រជាពលរដ្ឋរងគ្រោះដោយអគ្គិភ័យ ដែលបានបាត់បង់ទ្រព្យសម្បត្តិនាពេលនេះ ។
ទន្ទឹមនោះឯកឧត្តម ក៏បានកោតសរសើរការខិតខំរបស់អាជ្ញាធរមូលដ្ឋាន កម្លាំងប្រដាប់អាវុធ និងបងប្អូនប្រជាពលរដ្ឋ ដែលបានជួយអន្តរាគមន៍ពន្លត់ភ្លើងបានទាន់ពេលវេលា មិនបណ្តាលឱ្យឆាបឆេះរាលដាលដល់លំនៅឋានបងប្អូនប្រជាពលរដ្ឋដទៃទៀត ។ យើងត្រូវចេះសហការជួយគ្នាទៅវិញទៅមក រដ្ឋបាលខេត្តមិនអាចបញ្ជូនរថយន្តពន្លត់អគ្គិភ័យពីលើគោកមកតំបន់កោះបានទាន់ពេលវេលានោះទេ ។ ម្យ៉ាងទៀតយើងមិនទាន់មានប្រព័ន្ធគមនា គមន៍គ្រប់គ្រាន់ ដើម្បីចូលជួយអន្តរាគមន៍។ ដូច្នេះប្រជាពលរដ្ឋគ្រប់ផ្ទះត្រូវមានបំពង់ពន្លត់អគ្គិភ័យក្នុងផ្ទះរៀងៗខ្លួន ។
ក្នុងឱកាសនោះឯកឧត្តម ប្រធានគណៈកម្មាធិការសាខាកាកបាទក្រហមកម្ពុជាខេត្ត បានពាំនាំការផ្តាំផ្ញើការសួរសុខទុក្ខ និងសេចក្តីនឹករលឹកពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនចំពោះបងប្អូនរងគ្រោះដោយអគ្គិភ័យនាពេលនេះ ព្រមទាំងបាននាំយកថវិកា ជាគ្រឿងឧបភោគបរិភោគ និងសម្ភារមួយចំនួនចែកជូនបងប្អូន ដើម្បីជួយដោះស្រាយការលំបាក ។
អំណោយចែកជូនគ្រួសាររងគ្រោះដោយ អគ្គិភ័យចំនួន ៣គ្រួសារ ដោយក្នុងមួយគ្រួសារៗទទួលបាន អង្ករ២៥គីឡូក្រាម, ត្រីខ១០កំប៉ុង, មី១កេស, ទឹកត្រី១យួរ, កន្ទេល១, អាល់កុល១ដប, អាវ១កញ្ចប់, ខោ១, ម៉ាស១ប្រអប់, ឃីតមួយកញ្ចប់ (មុង១ ភួយ១ ក្រមា១ សារុង១) សម្ភារផ្ទះបាយមួយឈុត, និងថវិកាសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ១លានរៀល ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNTdQQWc9PSIsImV4cCI6bnVsbCwicHVyIjoiYmxvYl9pZCJ9fQ==--25435fbe55eb45e3c2a779c36c80189724eca0a7/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/0E2682AB-EB66-4E28-8E55-4EEE450.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNS9QQWc9PSIsImV4cCI6bnVsbCwicHVyIjoiYmxvYl9pZCJ9fQ==--333929a43fa3548cc2d6da7079067a87f5976b64/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/ED0062D5-890C-49B8-801E-983AF18.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNkRQQWc9PSIsImV4cCI6bnVsbCwicHVyIjoiYmxvYl9pZCJ9fQ==--f17588c14e73d01092b43249013e8eb230b96721/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/4459D11E-3C5C-40BF-B160-C191D22.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNkhQQWc9PSIsImV4cCI6bnVsbCwicHVyIjoiYmxvYl9pZCJ9fQ==--3648fc3a925f1df3cb2e26ff97a05b46be506ea0/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/6093E7F6-8149-4DCC-BBE0-253C4C8.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNkxQQWc9PSIsImV4cCI6bnVsbCwicHVyIjoiYmxvYl9pZCJ9fQ==--d94de56d4114124403246a1585d72a296c214128/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/523D2213-4959-43B1-A9EB-3232FA5.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNlBQQWc9PSIsImV4cCI6bnVsbCwicHVyIjoiYmxvYl9pZCJ9fQ==--8755732b75790ba4167a310e62e442e44b7a7458/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/1F91940A-EA41-48EF-BF86-AE66CC2.jpeg)
ដោយ ងូ សុមុនី
0 Reviews:
Post a Comment