បន្ទាយមានជ័យ :ថ្ងៃទី១១ ខែសីហា ឆ្នាំ២០២១ នៅរសៀលថ្ងៃ២កើត ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវ នឹងថ្ងៃអង្គារ ទី១០ ខែសីហា ឆ្នាំ២០២១ ឯកឧត្តម ឧត្តម សេនីយ៍ឯក ហ៊ុន ម៉ាណែត អគ្គមេបញ្ជាការរង និងជាមេបញ្ជាការកងទ័ព ជើងគោក ជាអនុ ប្រធានគណៈប្រតិបត្តិ នៃគណៈកម្មការអន្តរក្រសួងប្រយុទ្ធនឹងជំងឺកូវីដ-១៩ ទទួលបន្ទុក អនុគណៈកម្មការបច្ចេកទេស និងព្យាបាល បានដឹកនាំក្រុមការងារ ចុះពិនិត្យមើលវឌ្ឍនភាព នៃការរៀបចំមណ្ឌលព្យាបាលជំងឺកូវីដ-១៩កម្រិតស្រាល ១កន្លែង ក្នុងក្រុងសិរីសោភ័ណ និង មណ្ឌលសម្រាប់ធ្វើចត្តាឡីស័ក១កន្លែង នៅស្រុកមង្គលបូរី ខេត្តបន្ទាយមានជ័យ ដើម្បីបម្រុង សម្រាប់ទទួលព្យាបាល និងធ្វើចត្តាឡីស័កដល់ពលករខ្មែរ ដែលកំពុង វិលត្រលប់ពីប្រទេស ថៃ មកនោះ។
អភិបាលខេត្តបន្ទាយមានជ័យ ឯកឧត្តម អ៊ុំ រាត្រី បានឱ្យដឹងថា មណ្ឌលព្យាបាលជំងឺ កូវីដ-១៩កម្រិតស្រាល និងមណ្ឌលធ្វើចត្តាឡីស័ក ដែលកំពុងរៀបចំទាំង២កន្លែង នៅក្រុងសិរី សោភ័ណ និងស្រុកមង្គលបូរីនេះ អាចមានលទ្ធភាពទទួលព្យាបាល និងធ្វើចត្តាឡីស័កពល ករដែលវិលត្រលប់មកពីប្រទេសថៃ បានរាប់ពាន់នាក់។
ជាមួយគ្នានេះដែរ ឯកឧត្តមឧត្តមសេនីយ៍ឯក ហ៊ុន ម៉ាណែត បានថ្លែងនូវការកោតសរ សើរដល់អាជ្ញាធរខេត្តបន្ទាយមានជ័យ កងកម្លាំងប្រដាប់អាវុធទាំង៣ប្រភេទ និងមន្ត្រីសុខាភិ បាលខេត្ត ដែលបានខិតខំប្រឹងប្រែងយកអស់កម្លាំងកាយចិត្ត អនុវត្តន៍បទបញ្ជារបស់សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការទប់ ស្កាត់ការឆ្លងរីករាលដាលនៃជំងឺកូវីដ-១៩ បានយ៉ាងល្អប្រសើរ ។ ពិសេសលើការគ្រប់ គ្រង មើលថែទាំបងប្អូនពលករដែលវិលត្រលប់មកពីប្រទេសថៃ។
ឯកឧត្តម ហ៊ុន ម៉ាណែត ក៏ បានក្រើនរម្លឹកដល់អាជ្ញាធរ សមត្ថកិច្ចពាក់ព័ន្ធគ្រប់ជាន់ថ្នាក់ ឱ្យបង្កើនការយកចិត្តទុកដាក់ ថែមទៀត លើការគ្រប់គ្រងឱ្យបានតឹងរ៉ឹងចំពោះពលករ ដែល បាននិងកំពុងវិលត្រលប់ពីប្រទេសថៃនេះ ដើម្បីទប់ស្កាត់ការឆ្លងរាលដាលជំងឺកូវីដ-១៩បំប្លែង ថ្មីដែលតា (Delta) ចូលក្នុងសហគមន៍កាន់តែច្រើននោះ ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK21kQWc9PSIsImV4cCI6bnVsbCwicHVyIjoiYmxvYl9pZCJ9fQ==--5a4b2506f7fa4fa932a161218b3b3610a59b1d33/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/EEE6DD17-3D0D-47CF-AD3A-6623969.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK3FkQWc9PSIsImV4cCI6bnVsbCwicHVyIjoiYmxvYl9pZCJ9fQ==--01bbfa567497d4cec50f886cea4a5bac37f0af8f/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/56DC1F1B-1A61-4217-8CB0-6993FBF.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK3lkQWc9PSIsImV4cCI6bnVsbCwicHVyIjoiYmxvYl9pZCJ9fQ==--cc8a32367f96c38b90d4d9aa0ea5ae08b52f5bd3/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/BEF9191D-4AA7-4C21-80E4-6B5AD84.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK3VkQWc9PSIsImV4cCI6bnVsbCwicHVyIjoiYmxvYl9pZCJ9fQ==--d42f803e86e751c146eab879276344e99594a84c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/55132A22-6DEE-44D3-AA54-CAE2A8C.jpeg)
0 Reviews:
Post a Comment