កំពង់ចាម :ថ្ងៃទី២៦ ខែកក្កដា ឆ្នាំ២០២១
វត្តចំនួន ៤ ដែលស្ថិតក្នុងក្រុងកំពង់ចាម ខេត្តកំពង់ចាម រួមមាន៖ វត្តខេមវ័ន (បឹងស្នាយ ), វត្តបទុមរតនៈដីដុះ, វត្តសុទស្សនារាមជ្រោយថ្ម, និងវត្តជោតនារាមបឹងកុក បានទទួលទៀនព្រះវស្សា ព្រមទាំងគ្រឿងឧបភោគបរិភោគ និងបច្ច័យដែលប្រគេនជូនដោយឯកឧត្តមឧបនាយករដ្ឋមន្ត្រី យឹម ឆៃលី ប្រធានក្រុមប្រឹក្សាអភិវឌ្ឍន៍វិស័យកសិកម្ម និងជនបទ និងជាប្រធានក្រុមការងារចុះជួយមូលដ្ឋានខេត្តកំពង់ចាម និងលោជំទាវ រួមជាមួយថ្នាក់ដឹកនាំខេត្តកំពង់ចាម ។
ពិធីនេះបានប្រព្រឹត្តទៅនៅមជ្ឈមណ្ឌលសួនក្រញូង ស្ថិតក្នុងសង្កាត់សំបួរមាស ក្រុងកំពង់ចាមព្រឹកថ្ងៃ១៥កើត ខែទុតិយាសាឍ ឆ្នាំឆ្លូ វត្រីស័ក ព.ស. ២៥៦៥ត្រូវនឹងថ្ងៃសៅរ៍ ទី២៤ ខែកក្កដា ឆ្នាំ២០២១ ។
តាមវិន័យរបស់ព្រះពុទ្ធសាសនា ពិធីបុណ្យកាន់ព្រះវស្សា គឺជាបុណ្យមួយដែលមានសារ:សំខាន់ក្នុងព្រះពុទ្ធសាសនា ជាពេលវេលាសម្រាប់ភិក្ខុសង្ឃ និងសាមណេ បានរៀនធម៌ និងវិន័យឱ្យបានខ្ជាប់ខ្ជួនតាមពុទ្ធឱវាទ រយៈពេល៣ខែ ចាប់ផ្តើមពីថ្ងៃ១រោច ខែទុតិយាសាឍ ដល់ថ្ងៃ១៥កើត ខែអស្សុជ ហើយទៀនព្រះវស្សា ព្រមទាំងគ្រឿងឧបភោគបរិភោគ និងបច្ច័យយកមកវេរប្រគេនព្រះសង្ឃនាពេលនេះ គឺជាការគោរពប្រពៃណីសាសនាព្រះពុទ្ធ ត្រូវចូលកាន់ព្រះវស្សា ក្នុងរយៈពេលអស់មួយត្រីមាស ដែលព្រះសង្ឃគង់ចាំព្រះវស្សានៅក្នុងទីវត្ត ដើម្បីព្រះសង្ឃយកទៅដុតបំភ្លឺ បូជាថ្វាយព្រះ និងសិក្សារៀនសូត្រ នូវគម្ពីធម៌ វិន័យព្រះសម្មា សម្ពុទ្ធ ព្រះបរមគ្រូនៃយើង ។
ចំពោះទេយ្យទានដែលថ្នាក់ដឹកនាំ បានប្រគេនជូនព្រះសង្ឃ ដែលគង់នៅក្នុងវត្តទាំង ៤ នាពេលនោះ ដោយក្នុងវត្តនីមួយៗ អង្គរ ១០០គីឡូក្រាម, មី៣កេស, ទឹកក្រូច២កេស, ត្រីខ ៣យួរ, ទឹកបរិសុទ្ធ ៣កេស, ទឹកដោះគោ ១០កំប៉ុង, ស្ករស ៣កញ្ចប់, នំធុង ១ធុង , តែ ១កញ្ចប់, និងថវិកាចំនួន ២០០ដុល្លារអាម៉េរិក៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMStNQWc9PSIsImV4cCI6bnVsbCwicHVyIjoiYmxvYl9pZCJ9fQ==--6a28dc1a8b14d6757aeeed77d93af4305e05ea21/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/89D043DD-B3EC-4C51-93AC-9780648.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMk9NQWc9PSIsImV4cCI6bnVsbCwicHVyIjoiYmxvYl9pZCJ9fQ==--3372fed97d9f54052629becbddef4012e28ec48b/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/011D6467-CB0B-4784-99C9-88E62FD.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMktNQWc9PSIsImV4cCI6bnVsbCwicHVyIjoiYmxvYl9pZCJ9fQ==--2ff6175f5087253124c97f62801f7bd41d6f4e0f/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/FEF3F6AF-4849-459A-9E1E-8DD495B.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMkdNQWc9PSIsImV4cCI6bnVsbCwicHVyIjoiYmxvYl9pZCJ9fQ==--cce2e2a5209852336cd80b3dd12e90193e5ee5e0/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/8C80CD08-CC79-4F05-9E58-9943537.jpeg)
0 Reviews:
Post a Comment