យោធាមីយ៉ាន់ម៉ា ដករដ្ឋមន្រ្តី និងសមាជិកសភាចំនួន២៤រូប រួចដាក់មនុស្សរបស់ខ្លួន១១រូបចូលវិញ

សូមអានបន្ត

 

យ៉ាំងហ្គោន - ក្រុមយោធារបស់ប្រទេសមីយ៉ាន់ម៉ាកាលពីថ្ងៃចន្ទ (ទី ១ ខែកុម្ភៈ) បានប្រកាសពីការបោសសំអាតរដ្ឋាភិបាលដែលបានជ្រើសរើសដោយលោកស្រី អ៊ុង សានស៊ូជី ដោយបានដករដ្ឋមន្រ្តីនិងសមាជិកសភាចំនួន ២៤ រូប ហើយ​បានដាក់ឈ្មោះជំនួស ១១ រូបនៅក្នុងរដ្ឋបាលថ្មីរបស់ខ្លួន បន្ទាប់ពីដណ្តើមអំណាចកាលពីថ្ងៃម្សិលមិញ។

ការប្រកាសនេះ ត្រូវបានធ្វើឡើងនៅលើកញ្ចក់ទូរទស្សន៍ Myawadday ដែលគ្រប់គ្រងដោយយោធា។

យោធាបានដណ្តើមអំណាចកាលពីថ្ងៃច័ន្ទនៅក្នុងរដ្ឋប្រហារមួយដោយបានឃុំខ្លួនលោកស្រី អ៊ុង សានស៊ូជី និងមេដឹកនាំដទៃទៀត នៃគណបក្សសម្ព័ន្ធជាតិដើម្បីលទ្ធិប្រជាធិបតេយ្យរបស់លោកស្រី នៅក្នុងការវាយឆ្មក់នៅពេលព្រឹក។

កងទ័ពបាននិយាយថា ខ្លួនបានអនុវត្តការឃុំខ្លួនដើម្បីឆ្លើយតបទៅនឹង“ ការលួចបន្លំសន្លឹកឆ្នោត” ដោយប្រគល់អំណាចទៅឱ្យមេបញ្ជាការយោធាឧត្តមសេនីយ៍ Min Aung Hlaing និងបានដាក់ស្ថានភាពអាសន្នមួយឆ្នាំ៕