តាមសេចក្តីរាយការណ៍ថា មានពលរដ្ឋខ្មែរម្នាក់ដែលទើបត្រឡប់មកពីថៃ នៅថ្ងៃទី២៤ ខែធ្នូ ឆ្នាំ២០២០ ដែលត្រូវបានដឹកយកមកធ្វើចត្តាឡីស័ករយៈពេល១៤ថ្ងៃ ពេលដល់ក្លោងទ្វារចូលក៏លោតចេញពីឡានរត់គេចខ្លួនតែម្តងទៅ។
លោកជំទាវ ឱ វណ្ណឌីន អ្នកនាំពាក្យ និងរដ្ឋលេខាធិការក្រសួងសុខាភិបាលបានថ្លែងថា "រឿងនេះគឺពិតជាមានអ្នករត់ តែគាត់ត្រូវបានដឹកយកមកធ្វេីចត្តាឡីស័ក ពេលដល់ក្លោងទ្វារចូល គាត់ក៏លោតចេញពីឡានរត់តែម្តងទៅ។ បច្ចុប្បន្ននេះ សមត្ថកិច្ចកំពុងរកគាត់ហេីយ" ។
បើតាមសេចក្តីរាយការណ៍ថា ពលរដ្ឋដែលលោតពីឡានមានឈ្មោះ លឿង លីសាន់ អាយុ២២ឆ្នាំ រស់នៅភូមិភ្នំធំ ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ៕
0 Reviews:
Post a Comment