Sunday, October 25, 2020

នៅថ្ងៃទី២៨ និងថ្ងៃទី២៩ ខែតុលា ខេត្តមួយចំនួននៃប្រទេសកម្ពុជានឹងមានភ្លៀងធ្លាក់ច្រើននិងខ្យល់ខ្លាំង

 

ក្រសួងធនធានទឹក និង​ឧតុនិយម​បានប្រកាស​ថា តាម​ការ​ព្យាករចាប់ពីថ្ងៃទី២៨ ដល់ថ្ងៃទី២៩ ខែតុលា ឆ្នាំ​២០២០ បណ្តា​ខេត្ត​នៅ​តំបន់​ជួរ​ភ្នំដងរែក និង​ខ្ពង់រាប​ភាគឦសាន រួម​មាន​ខេត្ត​រតនគិរី ស្ទឹងត្រែង ព្រះវិហារ និង​ខេត្ត​ឧត្តរមានជ័យ អាច​មាន​ភ្លៀងធ្លាក់​ច្រើន​លាយ​ឡំ​ជាមួយ​នឹង​ខ្យល់ខ្លាំង។

ដោយ​ឡែក​បណ្តា​ខេត្ត​នៅ​តំបន់វាល​ទំនាប រួមមាន​ខេត្ត​កំពង់ធំ សៀមរាប បន្ទាយមានជ័យ ប៉ៃលិន និង​ខេត្ត​បាត់ដំបង អាច​មាន​ភ្លៀងធ្លាក់ច្រើន។

បើតាម​ការ​បញ្ជាក់របស់​ក្រសួងធនធានទឹក អាកាសធាតុបែបនេះ គឺដោយសារ​តែ​ព្យុះទី១៨ ឈ្មោះ ម៉ូឡាវ នឹង​​ចូល​មក​ប្រទេស​វៀតណាមនៅថ្ងៃទី២៨ ខែតុលា ហើយ​បន្ត​ដំណើរ​ទៅ​កាន់តំបន់ប៉ាសុងរបស់ប្រទេស​ឡាវ៕



0 Reviews:

Post a Comment